გუშინ გავრცელდა ინფორმაცია, რომ Alphabet-ის (GOOGL) Google განყოფილება Microsoft-ს (MSFT) ბრალს დებს ანტიკონკურენტული ქლაუდ სტრატეგიის გამოყენებაში.
Google-მა ოთხშაბათს შეიტანა საჩივარი ევროკავშირის აღსრულების განყოფილებაში იმის მტკიცებით, რომ Microsoft იყენებს ანტიკონკურენტულ ტაქტიკას კლიენტების Azure ქლაუდ პლატფორმაზე გადასაყვანად. Google Cloud-ის ვიცე-პრეზიდენტმა — ამიტ ზავერიმ განაცხადა, რომ Microsoft-მა იმ მომხმარებლებს, რომლებიც Windows-ს ამუშავებენ მისი კონკურენტების ქლაუდ პლატფორმებზე —Google Cloud, Amazon (AMZN) Web Services და Alibaba (BABA) Cloud — 400%-იანი ფასნამატის გადახდა მოსთხოვა.
აღსანიშნავია, რომ ქლაუდ შემოსავლების თვალსაზრისით Microsoft ბაზარზე ლიდერობს — ბოლო ფისკალურ წელს ტექნოლოგიურმა გიგანტმა ამ მიმართულებიდან $105 მილიარდზე მეტი გამოიმუშავა. შედარებისთვის, დროის იმავე მონაკვეთში Amazon-ის ვებ სერვისების შემოსავალმა $90.8 მილიარდი შეადგინა, ხოლო Google Cloud-მა $33.7 მილიარდი გამოიმუშავა. საგულისხმოა, რომ ამ შემთხვევაში Microsoft-ის მაჩვენებელი, Azure-ის ოპერაციებთან ერთად, Intelligent Cloud სეგმენტსაც მოიცავს.
Google-მა მაგალითად მოიყვანა 2023 წელს ჩატარებული CISPE-ის (Cloud Infrastructure Services Providers in Europe) კვლევა, რომლის თანახმადაც, საჯარო და კერძო პირები Microsoft-ს ყოველწლიურად უხდიან 1 მილიარდ ევროს (1.1 მილიარდი აშშ დოლარი) სალიცენზიო ჯარიმებში.
მიმდინარე წლის ივლისში Microsoft დათანხმდა CISPE-ს მიერ შეტანილი კიდევ ერთი ანტიმონოპოლიური საჩივრის მოგვარებას, რომელიც დაკავშირებული იყო ქლაუდ ლიცენზირებასთან.
„Microsoft-მა მოაგვარა ევროპული ქლაუდ პროვაიდერების მიერ წამოჭრილი მსგავსი საკითხი, მაშინაც კი, როდესაც Google იმედოვნებდა, რომ სასამართლო პროცესს გააგრძელებდა“ — განაცხადა Microsoft-ის წარმომადგენელმა. „მას შემდეგ, რაც Google-მა ვერ შეძლო ევროპული კომპანიების დარწმუნება, ველით, რომ ამას ევროკომისიასთანაც ვერ მიაღწევს“.
როგორ აფასებენ ანალიტიკოსები Alphabet-ისა და Microsoft-ის აქციებს?
Alphabet-ის აქციების ამჟამინდელი ფასი დაახლოებით $161.00-ს შეადგენს. ამ ეტაპზე კომპანიას უოლ სტრიტის 37 ანალიტიკოსი აფასებს. საშუალო სამიზნე ფასი $201.44-ს შეადგენს, მაქსიმალური პროგნოზი — $240.00-ს, ხოლო მინიმალური — $170.00-ს. საშუალო სამიზნე ფასი Alphabet-ის აქციების ამჟამინდელი ფასიდან დაახლოებით 25%-იან ზრდას გულისხმობს. კომპანიის აქციებს ამ 37 ანალიტიკოსიდან 28-მ მიანიჭა ყიდვის რეკომენდაცია, 9-მა — ნეიტრალური რეიტინგი და არცერთმა — გაყიდვის რეკომენდაცია.
Microsoft-ის აქციების ამჟამინდელი ფასი $432.00-ს შეადგენს. კომპანიას ამ ეტაპზე 30 ანალიტიკოსი აფასებს. საშუალო სამიზნე ფასი $501.15-ს შეადგენს, მაქსიმალური პროგნოზი — $550.00-ს, ხოლო მინიმალური — $470.00-ს. საშუალო სამიზნე ფასი Microsoft-ის აქციების ამჟამინდელი ფასიდან დაახლოებით 16%-იან ზრდას გულისხმობს. კომპანიის აქციებს ამ 30 ანალიტიკოსიდან 28-მ მიანიჭა ყიდვის რეკომენდაცია, 2-მა — ნეიტრალური რეიტინგი და არცერთმა — გაყიდვის რეკომენდაცია.
ამ კომპანიების აქციების შეძენა საქართველოს ბანკის მობილბანკში შეგიძლიათ ბმულზე.
