გასულ სამშაბათს Nike-ის (NKE) მენეჯმენტმა ელიოტ ჰილი აღმასრულებელი დირექტორის (CEO) თანამდებობაზე ჯონ დონაჰოს შემცვლელად დაასახელა.
ელიოტ ჰილი უბრუნდება Nike-ს 2020 წელს პენსიაზე გასვლის შემდეგ. იმ პერიოდისთვის ეს იყო მისი ხანგრძლივი, 32-წლიანი, კარიერის დასასრული კომპანიაში.
ჯონ დონაჰო თანამდებობას ოფიციალურად ოქტომბრის შუა რიცხვებში დატოვებს. ის იანვრის ბოლომდე კომპანიაში მრჩევლის როლს შეასრულებს.
დღევანდელ სტატიაში ყურადღებას გავამახვილებთ სამ ძირითად საკითხზე, რომლის გადაჭრაც Nike-ის ახალ აღმასრულებელ დირექტორს მოუწევს.
გაყიდვები
Nike-ის გაყიდვები ბოლო კვარტლებში სუსტი იყო. კომპანიის აქციებმა მნიშვნელოვანი დარტყმა მიიღო მას შემდეგ, რაც ივნისში მენეჯმენტმა ინვესტორები გააფრთხილა, რომ ფისკალური 2025 წლის პირველ კვარტალში შემოსავალი წლიურად დაახლოებით 10%-ით შემცირდებოდა. აღსანიშნავია, რომ Nike კვარტალურ შედეგებს მომავალ სამშაბათს გამოაქვეყნებს, რაც ინვესტორებს ძალიან ინფორმაციას მიაწვდის კომპანიის მდგომარეობის და პერსპექტივების შესახებ.
Nike0-ის მენეჯმენტი კვარტლის განმავლობაში მოელის დარტყმას გაყიდვებზე ორი მიზეზით: 1. კომპანია ახალ პროდუქტებზე ფოკუსირების სტრატეგიაზე გადაერთო; 2. ციფრული და საერთაშორისო გაყიდვები სუსტია.
უწყვეტი მაკროეკონომიკური წინაღობები ჩინეთში
ანალიტიკოსები წერენ, რომ გაყიდვების სავარაუდო სისუსტის ნაწილი გამოწვეულია ჩინეთის ბაზარზე არსებული უწყვეტი მაკროეკონომიკური წინაღობებით. მათ მიერ ჩატარებული კვლევის მიხედვით, Nike-მა წელს ჩინეთში ვერ შეძლო ოლიმპიადასთან დაკავშირებული მაღალი გაყიდვების დაფიქსირება. ანალიტიკოსების თქმით, Nike-ის შემცვლელი რამდენიმე იაფი ვარიანტი სულ უფრო ხელმისაწვდომი ხდება ჩინელი მომხმარებლებისთვის.
გარდა ამისა, Bank of America-ს ანალიტიკოსებმა განაცხადეს, რომ მათ დაინახეს ჩინეთში გაყიდვების შემდგომი შესუსტების ნიშნები, მათ შორის ბოლო კვირებში ფრთხილი კომენტარები ჩინელი საცალო ვაჭრობისა და ტანსაცმლის სხვა კომპანიების მხრიდან.
ბაზრის დაკარგული წილის დაბრუნება
ბოლო წლებში Nike-ს თავის სხვადასხვა სეგმენტში მზარდ კონკურენციასთან უწევს გამკლავება, რადგან სპორტულმა ბრენდებმა, როგორიც არის, მაგალითად, Lululemon (LULU) და ფეხსაცმლის მწარმოებლებმა — Hoka Parent Deckers Outdoor’s (DECK) — ბაზრის წილები გაზარდეს.
Deutsche Bank-ის ანალიტიკოსების თქმით, Nike, აღმასრულებელი დირექტორის ცვლილებით, წარმოაჩენს გადაუდებელ საჭიროებას, დაიბრუნოს დაკარგული ბაზრის წილი. Deutsche Bank-ში აცხადებენ, რომ ისინი წახალისებულნი არიან კომპანიის მიერ საფუძვლებისკენ დაბრუნების ფოკუსით.
ანალიტიკოსების თქმით, Nike-ის აქციებისთვის მთავარი კატალიზატორი შეიძლება იყოს კვარტალური ანგარიში და ასევე ინვესტორთა დღის ღონისძიება, რომელიც 19 ნოემბერს არის დაგეგმილი.
როგორ აფასებენ ანალიტიკოსები Nike-ის აქციებს?
Nike-ის აქციების ამჟამინდელი ფასი დაახლოებით $90.00-ს შეადგენს. ამ ეტაპზე კომპანიას უოლ სტრიტის 33 ანალიტიკოსი აფასებს. საშუალო სამიზნე ფასი $93.58-ს შეადგენს, მაქსიმალური პროგნოზი — $120.00-ს, ხოლო მინიმალური — $71.00-ს. საშუალო სამიზნე ფასი Nike-ის აქციების ამჟამინდელი ფასიდან დაახლოებით 4.4%-იან ზრდას გულისხმობს. კომპანიის აქციებს ამ 33 ანალიტიკოსიდან 15-მა მიანიჭა ყიდვის რეკომენდაცია, 18-მა — ნეიტრალური რეიტინგი, და არცერთმა — გაყიდვის რეკომენდაცია.
Nike-ის აქციების შეძენა საქართველოს ბანკის მობილბანკში შეგიძლიათ ბმულზე.
