ფინტექ კომპანია, რომლის აქციებიც შეგიძლიათ დღესვე შეიძინოთ

ინფლაციური ზეწოლა და საპროცენტო განაკვეთების ზრდა 2022 წელს საფონდო ბირჟაზე მძიმედ აისახა. იაფი კაპიტალის პერიოდი, როგორ ჩანს, შეიძლება, მიილიოს და ბევრი მზარდი პოტენციალის აქციამ – მათ შორის ფინტექ (ფინანსური ტექნოლოგია. ტერმინი გამოიყენება იმ ახალი ტექნოლოგიების აღსაწერად, რომლებიც ცდილობს გააუმჯობესოს და ავტომატიზებული გახადოს ფინანსური სერვისების მიწოდება და გამოყენება) კომპანიებმა დარტყმა მიიღო.

Global X FinTech ETF ერთ-ერთი უმსხვილესი ფინტექ გაცვლითი სავაჭრო ფონდი (ETF), ამ წლის დასაწყისისთვის 23%-ით და გასული წლის განმავლობაში 32%-ით შემცირდა. მასიურმა გაყიდვებმა რამდენიმე მყარი ფინტექ კომპანიის აქციების შესყიდვის შესაძლებლობა შექმნა, მათ შორის არის PayPal Holdings.

პანდემიის პერიოდმა PayPal-ის ბიზნესის ბუმი გამოიწვია. ციფრული გადახდების კომპანიამ ისარგებლა ლოკდაუნით და ონლაინ შოპინგზე მოთხოვნის საოცარი ზრდით.

2021 წელს ფეიფალის მთლიანი გადახდების მოცულობამ (TPV) $1 ტრილიონს პირველად გადააჭარბა. ამ დროის განმავლობაში ციფრული გადახდების კომპანიამ მომხმარებელთა ბაზა 122 მილიონი ახალი ანგარიშით გაზარდა, ხოლო შემოსავალმა 43%-ით მოიმატა. ამ შთამბეჭდავმა ზრდამ კომპანიის აქციების ფასის ზრდა განაპირობა. გასული წლის გარკვეულ პერიოდში ფეიფალის თითო აქციის ფასი $300 იყო.

PayPal არის ერთ-ერთი იმ მზარდი პოტენციალის აქციებიდან, რომლებიც ბოლო ექვს თვეში მასიურად გაიყიდა. კომპანიის აქციის ამჟამინდელი ღირებულება 113.04-ს შეადგენს. ინვესტორებმა შეშფოთება გამოთქვეს, რადგან კომპანიის მენეჯმენტი 2022 წლის მოგების მითითებებთან დაკავშირებით უფრო ფრთხილი იყო.

ფეიფალი ადრე 2022 წლისთვის შემოსავლების 18%-იან ზრდას პროგნოზირებდა, მაგრამ მეოთხე კვარტლის მოგების ანგარიშის წარდგენისას კომპანიამ პროგნოზი 15%-17%-მდე შეამცირა. აღმასრულებლებმა ასევე აღნიშნეს, რომ ფეიფალი ყურადღებას ახალი მომხმარებლების დამატებიდან მისი აპლიკაციის გამოყენების ზრდაზე გადაიტანს.

მასიური გაყიდვების შედეგად, PayPal-ის აქციები ბაზარზე 32-ის ტოლი P/E (ფასი მოგება) და 26-ის ტოლი ფორვარდული P/E კოეფიციენტით მიმოიქცევა. ეს მისი ყველაზე დაბალი შეფასებაა 2015 წელს eBay-დან გამოსვლის შემდეგ. მიუხედავად იმისა, რომ ინვესტორები სიფრთხილეს იჩენენ, ციფრული გადახდების კომპანია წელს მაინც იხილავს სოლიდურ ზრდას, რამაც, შეიძლება, 2021 წლის მაქსიმუმის მესამედი შეადგინოს.