რა მოხდა?
S&P Global Market Intelligence-ის მონაცემებით, გასული კვირის განმავლობაში Tesla-ს აქციების ფასი 13%-ზე მეტით დაეცა. ელექტრომობილების ლიდერმა მწარმოებელმა 2023 წლის პირველი კვარტლისთვის მიწოდების სუსტი მაჩვენებლები გამოაქვეყნა, მისი მარაგები კი იზრდება.
და რა?
ყოველ კვარტალში, Tesla ინვესტორებს აწვდის ინფორმაციას იმის შესახებ, თუ რამდენი ავტომობილი აწარმოა და მიაწოდა მომხმარებლებს ბოლო სამი თვის განმავლობაში. 2023 წლის პირველ კვარტალში Tesla-მ მთელი მსოფლიოს მასშტაბით დაახლოებით 441,000 ელექტრომობილი გამოუშვა, ხოლო მიწოდება წლიდან წლამდე 36%-ით გაიზარდა და 423,000 შეადგინა, რაც იმაზე მიუთითებს, რომ კომპანიამ ბაზრის წილი კვლავ გაზარდა.
თუმცა პირველი კვარტალი იყო კიდევ ერთი მეოთხედი, როდესაც ავტომობილების წარმოებამ მიწოდებას გადააჭარბა (ზუსტად 18000-ით), რაც იმას ნიშნავს, რომ Tesla-ს მარაგების დონე იზრდება. იგივე მოხდა 2022 წლის განმავლობაშიც, კომპანიამ 56,000-ით მეტი მანქანა აწარმოა, ვიდრე გაყიდა. ეს იმაზე მეტყველებს, რომ Tesla მეტი მყიდველის პოვნაში სირთულეებს აწყდება.
კიდევ უფრო შემაშფოთებელია არის ის, რომ კომპანიამ, პირველი კვარტლის განმავლობაში, ფასები მკვეთრად შეამცირა, რათა მომხმარებლის მოთხოვნა გაეზარდა. ფასების შემცირება არასდროს არის კარგი საცალო ვაჭრობისთვის, მაგრამ ეს განსაკუთრებით შემაშფოთებელია მაღალი ინფლაციის პირობებში, როდესაც Tesla-ს ხარჯები იზრდება.
თუ დაბალ ფასებს არ შეუძლია გააჩინოს საკმარისი მოთხოვნა წარმოება-მიწოდებას შორის არსებული სხვაობის დასაფარად, Tesla-ს მოუწევს კვლავ შეამციროს ფასები ან გაუფასურებადი მანქანები შეინახოს.
ახლა რა?
Tesla ბოლო ათწლეულის ერთ-ერთი ყველაზე წარმატებული აქცია იყო და ამჟამად ელექტრომობილების ინდუსტრიის ლიდერი, საბაზრო კაპიტალიზაციის მიხედვით, მსოფლიოში მერვე ყველაზე დიდი კომპანიაა. თუმცა, ეს, რა თქმა უნდა, იმას არ ნიშნავს, რომ Tesla-ს მომავალშიც აუცილებლად კარგი წარმადობა ექნება.
კომპანიის ერთ-ერთი პრობლემა ის არის, რომ 2023 წელს, სავარაუდოდ, Tesla-ს შემოსავალი შემცირდება მარჟის სწრაფი შეკუმშვის გამო, რომელიც, თავის მხრივ, გაყიდვის ფასების შემცირებით და წარმოების ხარჯების გაზრდით არის გამოწვეული.
