Amazon თითქმის ყველა თვალსაზრისით უფრო დიდია ვიდრე Tesla – იქნება ეს საბაზრო კაპიტალი, შემოსავალი, მოგება, თუ თანამშრომლების რაოდენობა.
თუმცა არსებობს მინიმუმ ერთი გზა, რომ ტესლამ ელექტრონული კომერციისა და ქლაუდ ჰოსტინგის გიგანტს აჯობოს. ორივე კომპანიამ წელს აქციების დაყოფა გადაწყვიტა. აი, რატომ შეიძლება ტესლას აქციების დაყოფა უფრო მნიშვნელოვანი იყოს, ვიდრე ამაზონის.
სწორ დროს, სწორ ადგილას
Amazon-ის აქციები 1/20 შეფარდებით 6 ივნისს დაიყო. დრო შესაფერისი სულაც არ იყო. Nasdaq Composite Index ივნისში bear market-ზე იყო, ასევე, S&P 500 ცოტა ხნის წინ ამ ტერიტორიაზე იყო. Amazon-ის აქციების ფასი მაშინ 22%-ით დაეცა.
ვინც იმედოვნებდა, რომ აქციების დაყოფა ამაზონის აქციების ფასს გაზრდიდა, ძალიან იმედგაცრუებული დარჩა. დაყოფის შემდეგ, რამდენიმე დღის განმავლობაში კომპანიის აქციების ფასი, ზრდის ნაცვლად შემცირდა.
Tesla-სთვის ეს სრულიად განსხვავებული სცენარია. ზოგიერთი დამკვირვებელი თვლის, რომ Nasdaq-ის bear market დასრულდა, თუნდაც ბოლო რამდენიმე დღის განმავლობაში უკან დახევის შემთხვევაში. S&P 500 bear ბაზრის ზღვარს აშკარად აღემატება. ზოგიერთი ინვესტორი ძალიან ოპტიმისტურად არის განწყობილი და მიიჩნევს, რომ ახალი bull market შეიძლება მალე დაიწყოს.
გარდა ამისა, ტესლას აქციების ფასი იზრდება, ბოლო 3 თვის განმავლობაში კომპანიის აქციების ფასი 30%-ზე მეტით გაიზარდა.
არც ამაზონის და არც ტესლას მენეჯმენტს შეეძლო აქციების დაყოფის დაანონსების მომენტში ზუსტად სცოდნოდა, თუ როგორ იმუშავებდა საფონდო ბირჟა. თუმცა, სრულიად ნათელია, რომ ტესლამ ეს უფრო შესაფერის დროს გააკეთა.
ინვესტორები უფრო მეტად ყიდულობენ აქციებს მაშინ, როდესაც მთლიანი ბაზარი იზრდება. აქედან გამომდინარე, არსებობს რეალური შესაძლებლობა, რომ Tesla-ს აქციების დაყოფა კომპანიის აქციებისთვის უფრო დიდი კატალიზატორი იქნება, ვიდრე ეს Amazon-ის შემთხვევაში იყო.
უოლ სტრიტის ოპტიმიზმი
ტესლას პერსპექტივების მიმართ ანალიტიკოსებიც უფრო ოპტიმისტურად არიან განწყობილნი. Canaccord Genuity-ის ჯორჯ ჯანარისკმა ცოტა ხნის წინ 12-თვიანი საფასო მიზანი აქციაზე $815-დან $881-მდე გაზარდა. უოლ სტრიტის ამ გაუმჯობესებულმა განწყობამ შეიძლება ტესლას აქციების დაყოფით ინვესტორების მეტი აღფრთოვანება გამოიწვიოს. ამაზონს ივნისში მსგავსი ენთუზიაზმით არ უსარგებლია.
ბიძგი აშშ-სგან
Tesla-ს აქციების დაყოფას ასევე წინ უძღოდა ინფლაციის შემცირების აქტის მიღება. ეს კანონმდებლობა ცდილობს მოაგვაროს საკითხების ფართო სპექტრი. Tesla-სთვის ყველაზე მნიშვნელოვანი კლიმატის ცვლილებაა.
კანონპროექტის ერთ-ერთი დებულება განაახლებს $7,500-იან საგადასახადო შეღავათს ამერიკელებისთვის ელექტრო მანქანების (EV) შესაძენად. ტესლას მანქანებს ამ საგადასახადო შეღავათით სარგებლობის უფლება არ ჰქონდა, რადგან კომპანიამ 200,000-ზე მეტი ელექტრომობილი გაყიდა.
მაგრამ ამ საგადასახადო შეღავათის ზღვარი 2023 1 იანვრიდან ძალაში არ იქნება, შესაბამისად, Tesla-ს ელექტრომობილები ამით სარგებლობას შეძლებს. ამან შესაძლოა მომავალ წელს კომპანიის გაყიდვები გაზარდოს.
ამ კატალიზატორს ბევრი ინვესტორი ელოდება. დღეს ტესლას აქციების დაყოფის შემდეგ ამ დამატებითმა ინფორმაციამ შეიძლება კომპანიის აქციების შეძენა უფრო მეტ ინვესტორს გადააწყვეტინოს.
რა არის რეალურად მნიშვნელოვანი?
რა თქმა უნდა, არც ამაზონის და არც ტესლას აქციების დაყოფას, გრძელვადიან პერსპექტივაში დიდი მნიშვნელობა არ აქვს. აქციების დაყოფამ შეიძლება ზოგჯერ მცირე ინვესტორები მიიზიდოს, მაგრამ ეს მოვლენა კომპანიების ძირითად ბიზნეს პერსპექტივებს არ ცვლის.
მიუხედავად იმისა, რომ ორივე კომპანია გაზრდილი კონკურენციის წინაშე დგას, გრძელვადიან პერსპექტივაში, ალბათ, Amazon უფრო ძლიერი კომპანიაა. რა თქმა უნდა, Tesla-ს აქციები დაყოფა შეიძლება უფრო დიდი მოვლენა იყოს, ვიდრე Amazon-ის, მაგრამ, სავარაუდოდ, ეს უკანასკნელი მთლიანობაში უფრო პერსპექტიული იქნება, ვიდრე Tesla ამ ათწლეულის განმავლობაში და მის შემდგომ.
