რა მოხდა?
S&P Global Market Intelligence-ის მონაცემების თანახმად, გასული თვის განმავლობაში ელექტრონული კომერციის კომპანიის — Shopify-ის აქციების ფასი 16.5%-ით გაიზარდა. წლის დასაწყისიდან კი ეს მაჩვენებელი 27%-ზე მეტით არის მომატებული.
და რა?
Shopify-ის მენეჯმენტი დაკავებულია კომპანიის პლატფორმის გაუმჯობესებით მას შემდეგ, რაც იანვარში ფასები გაზარდა და საწარმოებისთვის ახალი გადაწყვეტა — Commerce Components წარადგინა. კომპანია თანამშრომლობს Google Cloud-თან, რათა ამ უკანასკნელის საძიებო და აღმოჩენის ინსტრუმენტები Shopify-ის საწარმო გადაწყვეტების პლატფორმაში ჩართოს. ეს ინტეგრაცია მიზნად ისახავს მომხმარებლებს მათთვის შესაფერისი ძიების შედეგები მიაწოდოს, რათა ისინი პლატფორმის ერთგულნი დარჩნენ და არ მიმართონ კონკურენტს, რომელსაც უკეთესი საძიებო გარემოს უზრუნველყოფა შეეძლება.
Rainbow Shops, ტანსაცმლის ბრენდი, რომელიც აშშ-ის ბაზარზეა ორიენტირებული, არის Shopify-ის ერთ-ერთი პირველი საცალო ვაჭრობის კომპანია, რომელმაც ეს ახალი თანამშრომლობა გამოცადა. ძიების მოცულობა 48%-ით გაიზარდა მას შემდეგ, რაც Rainbow Shops-მა ძიების ახალი ალგორითმი პირდაპირ თავის ონლაინ მაღაზიასთან გააერთიანა.
ინვესტორები ოპტიმისტურად არიან განწყობილნი, რომ პარტნიორობა მოიტანს ძიების უკეთეს შედეგებს და გაზრდის მომხმარებელთა კმაყოფილების დონეს. Shopify ასევე არ უგულებელყოფს დეველოპერების ასპექტს, კომპანიამ Thirdweb-თან პარტნიორობით გამოუშვა Commercekit — ეს ინსტრუმენტი ეხმარება დეველოპერებს, შექმნან აპლიკაციები, რომლებიც სავაჭრო ობიექტებს მომხმარებლებთან ურთიერთობის ახალი მეთოდებით ამარაგებს. ეს მეთოდები მოიცავს ფასდაკლებების დანერგვას, ექსკლუზიურ პროდუქტებს და დროზე დაფუძნებულ გაყიდვებს სხვადასხვა აუდიტორიისთვის.
ახლა რა?
როგორც ჩანს, Shopify მზადაა ზრდა განაგრძოს — ამ ინსტრუმენტებმა და გაუმჯობესებებმა უნდა მოიზიდოს მეტი მოვაჭრეები, რათა ელექტრონული კომერციის პროვაიდერთან თანამშრომლობით ონლაინ მაღაზიები შექმნან. გარდა ამისა, კომპანიამ ცოტა ხნის წინ თავის Shop აპლიკაციასთან ChatGPT-იც გააერთიანა, რათა პლატფორმაზე სავაჭრო გამოცდილება გააძლიეროს.
ამასთან, მიმდინარე კვირაში Shopify-მ დაიწყო თანამშრომლობა Monotype-თან, კომპანიასთან, რომელსაც ფონტების დიდი ასორტიმენტი გააჩნია. შედეგად, ახლა მოვაჭრეებს შეუძლიათ შეარჩიონ სააბონენტო პაკეტები, რომლებიც მათ ათიათასობით შრიფტზე წვდომით უზრუნველყოფს. ეს კი კრეატიულობისა და ინოვაციების შესაძლებლობებს გაზრდის.
