რა მოხდა?
გუშინ Rivian-ის დიდი კონკურენტის წარმომადგენლებმა განაცხადეს, რომ გამოუშვებენ ახალ ელექტრომობილს (EV), რომელიც Rivian-ის ერთ-ერთ მოდელს გაუწევს კონკურენციას. შედეგად, ამ უკანასკნელის აქციების ფასი თითქმის 5%-ით შემცირდა.
და რა?
რაც, ალბათ, გარდაუვალი ნაბიჯი იყო, Chrysler-ის მშობელმა კომპანიამ — Stellantis-მა თავისი ისტორიული Ram პიკაპის EV ვერსია წარადგინა. Ram 1500 REV, რომელიც ნიუ-იორკის საერთაშორისო ავტო შოუზე იქნა პრეზენტირებული, მკაცრ კონკურენციას გაუწევს Rivian’s R1T-ს, EV პიკაპს, რომელიც კომპანიის ბიზნესის საფუძველს წარმოადგენს.
Ram-ის ბრენდის აღმასრულებელი დირექტორი — მაიკ კოვალი ამბობს, რომ ეს ახალი ელექტრომობილი „გადალახავს კონკურენციას იმ სფეროებში, რომლებიც მომხმარებლებს ყველაზე მეტად ადარდებთ, მათ შორის არის დიაპაზონი, ბუქსირება, დატვირთვა და დამუხტვის დრო“.
![](https://investhub.ge/wp-content/uploads/2023/04/Rivian-Stock.png)
Ram 1500 REV მომხმარებლებს სიმძლავრის ორი კონფიგურაციით მიეწოდება — სტანდარტულს აქვს 168 კილოვატ-საათიანი ბატარეის ნაკრები, რომელსაც ერთი სრული დამუხტვით 560 კილომეტრამდე მანძილის დაფარვა შეუძლია, ხოლო მეორე — 229 კილოვატ-საათიანი პაკეტი მომხმარებლებს საშუალებას მისცემს ერთი სრული დამუხტვით 800 კილომეტრი გაიარონ.
ახლა რა?
ის, რაც კარგია Stellantis-ისთვის, ნამდვილად არ იქნება კარგი Rivian-ისთვის, რადგან ახალი Ram და R1T პირდაპირი კონკურენტები არიან. როგორც ავტორიტეტული ამერიკული ავტომწარმოებლის მემკვიდრეს — Stellantis-ს აქვს მარკეტინგული წვდომა და ძალაუფლება (რომ აღარაფერი ვთქვათ არსებულ მომხმარებელთა ბაზაზე) პიკაპის უამრავი მოყვარული Ram 1500 REV-ის შეძენაში დაარწმუნოს. Rivian-ის გუნდს კი ამ პრობლემასთან გასამკლავებლად სერიოზული მუშაობა მოუწევს.