რა მოხდა?
გუშინ, სავაჭრო დღის დაწყებიდან მალევე, Qualcomm-ის აქციების ფასი შემცირდა ცნობილი ბანკისგან რეიტინგის დაქვეითების შემდეგ. თუმცა, საბოლოოდ, ტექნოლოგიური კომპანიის აქციებმა დღე თითქმის 2%-იანი ნაზრდით დაასრულა.
და რა?
ბაზრის გახსნამდე Wells Fargo-ს ანალიტიკოსმა — გარი მობლიმ Qualcomm-ის აქციების ნეიტრალური რეიტინგი გაყიდვის რეკომენდაციით შეცვლა, თუმცა სამიზნე ფასი, რომელიც $105-ს უტოლდებოდა, შეინარჩუნა.
მობლის ახალი პერსპექტივის დიდი ნაწილი განპირობებულია ზოგადად ჩიპების სექტორისადმი მისი დაქვეითებული შეხედულებით.
მას ასევე აწუხებს Qualcomm-ის დიდი დამოკიდებულება სმარტფონების ბაზარზე. მიუხედავად იმისა, რომ კომპანია ამ სფეროში დომინანტურია, მობლიმ ის აღწერა, როგორც ამჟამად „არაზრდადი“ გარემო.
ამ დროისთვის, Qualcomm სარგებლობს ძლიერი პოზიციით, რადგან ის Apple-ის მოწყობილობების მნიშვნელოვანი მიმწოდებელია. ამის მიღმა, ალბათ, კომპანიის საუკეთესო პოტენციალი მაღალი დონის Android ტელეფონის სეგმენტში მდგომარეობს. თუმცა, მობლის აზრით, ეს „შეიძლება საუკეთესო ექსპოზიცია არ იყოს“.
ახლა რა?
ტექნოლოგიური აქციები არ აღმდგარა იმ დარტყმისგან, რომელიც 2022 წლის განმავლობაში განიცადა, მაგრამ ინვესტორები შემცირებულ ფასებს აცნობიერებენ და ხელსაყრელ საინვესტიციო შესაძლებლობებს ეძებენ. ამავდროულად, Apple-ის მიერ ახლახან წარდგენილ iOS 16-ზე მოთხოვნა საკმაოდ ძლიერია, ასე რომ, ყოველ შემთხვევაში, მოკლე და საშუალოვადიან პერიოდში, Qualcomm-მა თავის ყველაზე მნიშვნელოვან პარტნიორთან ასოცირებით სარგებლის მიღება უნდა გააგრძელოს.
