რა მოხდა?
ელექტრონული ხელმოწერის კომპანიის, DocuSign-ის აქციების ფასი პარასკევს 12%-ზე მეტით გაიზარდა მას შემდეგ, რაც კვარტალურმა შემოსავალმა და მოგებამ ანალიტიკოსების პროგნოზებს გადააჭარბა.
და რა?
DocuSign-ის არა-GAAP (მოგება, რომელიც არ არის გამოთვლილი GAAP-ის (ბუღალტრული აღრიცხვის საყოველთაოდ მიღებული პრინციპები) მიხედვით) მოგებამ თითო აქციაზე (EPS) კვარტალში $0,57 შეადგინა, რაც გასული წლის ანალოგიურ კვარტალთან შედარებით ($0.58) მხოლოდ ოდნავ შემცირდა, მაგრამ ანალიტიკოსების პროგნოზს — 0,42$-ს საკმაოდ გადააჭარბა.
კომპანიის შემოსავალმა $645,5 მილიონს მიაღწია, რაც გასული წლის იმავე კვარტალთან შედარებით 18%-ით გაიზარდა, ანალიტიკოსების პროგნოზი კი $626,8 მილიონი იყო.
კომპანიის გაყიდვების ზრდის მამოძრავებელ ძალას წარმოადგენს DocuSign-ის შემოსავალი გამოწერებიდან, რომელიც წელიწადში 18%-ით — $624,1 მილიონამდე გაიზარდა. კომპანიის პროფესიონალური სერვისების სეგმენტიც კარგი წარმადობით ხასიათდებოდა, გაყიდვებმა 27%-ით — 21,4 მილიონამდე მოიმატა
ახლა რა?
DocuSign-ის მენეჯმენტმა მეოთხე კვარტლისთვის წარმოადგინა პროგნოზები, რომლებმაც ინვესტორებს ოპტიმისტური განწყობა შეუნარჩუნა. კომპანია მოელის, რომ გაყიდვები მომდევნო კვარტალში $637-$641 მილიონს შეადგენს, ანალიტიკოსების მოლოდინი კი $640.5 მილიონია.
შესაძლოა, ინვესტორებმა ყურადღება იმასაც მიაქციეს, რომ Piper Sandler-ის ანალიტიკოსმა — რობ ოუენსმა მესამე კვარტლის ანგარიშის შემდეგ DocuSign-ის აქციების რეიტინგი ნეიტრალურ შეფასებამდე გააუმჯობესა. ოუენსმა თქვა, რომ აქციების ფასის „შემცირების რისკი ამ დონიდან შეზღუდულია”.
