Walt Disney Company ინვესტორების ყურადღებას იპყრობს მას შემდეგ, რაც კომპანიამ აგვისტოში ფისკალური 2022 წლის მესამე კვარტლის ფინანსური შედეგები წარადგინა. ამ ანგარიშში Disney-ს მენეჯმენტმა ხაზი გაუსვა მნიშვნელოვან ფაქტს – კომპანიამ Netflix-ს გამომწერების მთლიანი რაოდენობით აჯობა. სტრიმინგის პიონერს Disney-ის წინააღმდეგ რამდენიმე წლიანი თავდასხმა ჰქონდა, ასე რომ, ეს წარმატება საყურადღებოა.
დისნეი ყოყმანობდა, სანამ სტრიმინგ ბიზნესში მთლიანად გადაერთვებოდა. მენეჯმენტი შიშობდა, რომ ახალი სეგმენტი კლიენტებს მისი უფრო მომგებიანი საკაბელო ტელევიზიის ბიზნესს აშორებდა. თუმცა ახლა, როდესაც კომპანია სტრიმინგზე არის ორიენტირებული, ადრეული შედეგები აქციონერებისთვის სასიხარულოა. მოდით, ყველაფერი დეტალურად განვიხილოთ.
Netflix-თან კონკურენცია
ბოლო კვარტალში, რომელიც 2 ივლისს დასრულდა, Disney+-ს 14.4 მილიონი გამომწერი დაემატა. თავისი სამი სერვისის მასშტაბით, რომელიც მოიცავს Hulu-სა და ESPN+-ს, Disney-ის 221 მილიონი გამომწერი ჰყავს. ამან მას Netflix-თან შედარებით ოდნავი უპირატესობა მისცა. ამ უკანასკნელს 30 ივნისის მდგომარეობით 220.67 მილიონი გამომწერი ჰყავს.
მიუხედავად იმისა, რომ მიღწევამ დისნეის აქციონერები უნდა წაახალისოს, ნეტფლიქსი სხვა კრიტიკულ მეტრიკებში მაინც უპირატესობას ფლობს. ბოლო კვარტალში ნეტფლიქსმა $8 მილიარდის ოდენობით შემოსავალი გამოიმუშავა, ხოლო დისნეის სტრიმინგის სეგმენტმა – $5 მილიარდი. გარდა ამისა, ნეტფლიქსის საოპერაციო შემოსავალმა $1.6 მილიარდი შეადგინა, ხოლო დისნეის საოპერაციო ზარალი $1.1 მილიარდი იყო.
ეს გადამწყვეტი მაჩვენებლები გვიჩვენებს, რომ Disney-ის მეტი მუშაობა მოუწევს იმისთვის, რომ სტრიმინგის პიონერს აჯობოს.
დისნეის ხელმძღვანელობამ 10 აგვისტოს, კვარტალური ანგარიშის წარდგენის შემდეგ ლაივ ჩართვის დროს სტრიმინგ ბიზნესში კომპანიის ამბიციების შესახებ ისაუბრა. მანამდე კომპანია 2024 წლისთვის Disney+-ის გამომწერების 230-260 მილიონამდე ზრდას ვარაუდობდა. ამ ლაივ ჩართვაზე კი პროგნოზი 215-245 მილიონამდე შემცირდა. შემცირება გამოწვეულია კომპანიის Hotstar სერვისით, რომელსაც ერთ მომხმარებელზე მნიშვნელოვნად დაბალი საშუალო შემოსავალი აქვს, ვიდრე ძირითად Disney+-ს.
მიუხედავად ამისა, 230 მილიონი გამომწერი (ზემოთ ნახსენები სამიზნის შუა წერტილი) იქნება თითქმის 80 მილიონიანი ზრდა იმ 152 მილიონი გამომწერიდან, რომლებიც Disney+-ს 2 ივლისისთვის ჰყავდა. Disney-ს მენეჯმენტი დარწმუნებულია, რომ კომპანიას მომდევნო რამდენიმე წლის განმავლობაში მილიონობით მომხმარებლის მოზიდვა შეუძლია.
ჯერ კიდევ არის დრო Disney-ის აქციების შესაძენად
გასაკვირი არ არის, რომ საინვესტიციო საზოგადოებებში დისნეის აქციების შესახებ აჟიოტაჟი იყო. კომპანიას კვარტალში 14.4 მილიონი გამომწერი დაემატა, ხოლო მისმა მთავარმა კონკურენტმა – ნეტფლიქსმა 970,000 დაკარგა. ბოლო დღეებში დისნეის აქციების ფასი 14%-ით გაიზარდა. მიუხედავად ამისა, მათთვის ვინც დისნეის აქციების შეძენით არის დაინტერესებული, გვიანი ჯერ კიდევ არ არის.
