რა მოხდა?
გუშინ, მას შემდეგ, რაც Bank of America-ს ანალიტიკოსმა — ჯეისონ ჰაასმა Hasbro-ს აქციების რეიტინგი „Underperform“ (ეს ნიშნავს, რომ, ანალიტიკოსის აზრით, კომპანიის აქციები მთლიანი ბაზრის წარმადობას ჩამორჩება) შეფასებით დააქვეითა, კომპანიის აქციების ფასი თითქმის 10%-ით შემცირდა.
შეფასების დაქვეითება მოხდა მას შემდეგ, რაც ანალიტიკოსის კვლევამ აჩვენა, რომ Hasbro სათამაშო კარტების — Magic: The Gathering-ის ზედმეტი მიწოდებით არის დაკავებული, რამაც შესაძლოა ბრენდი შეასუსტოს. დაბალმა მოთხოვნამ მთელ ბიზნესში წელს ზეწოლა იქონია Hasbro-ს მომგებიანობაზე, რამაც აქციები დააზარალა — წლის დასაწყისიდან დღემდე მათი ფასი 44%-ით შემცირდა.
და რა?
Magic კომპანიის კორექტირებული საოპერაციო მოგების დაახლოებით მესამედს შეადგენს, ასე რომ, თუ გაყიდვები შემცირდება, ეს Hasbro-ს ბიზნესისთვის დიდი პრობლემა იქნება. ანალიტიკოსმა მაგალითად მოიყვანა მოთამაშეების და მაღაზიის მფლობელების უკუკავშირი, რომელშიც ნათქვამი იყო, რომ Hasbro, გაყიდვების გაძლიერების მიზნით, ზედმეტ მიწოდებაზე გადაერთო, მაგრამ გრძელვადიან პერსპექტივაში შეიძლება ამან უარყოფითი შედეგი გამოიღოს, თუ მოთამაშეები სულ უფრო მეტი კარტის დევნით დაიღლებიან.
Magic ამჟამად $1 მილიარდიან ბრენდად გარდაქმნის გზაზეა.
ახლა რა?
Hasbro-ს მენეჯმენტი მთელი წლის განმავლობაში Magic-ისგან ორნიშნა ზრდას ელის და გეგმავს, ბრენდის ზრდა გააგრძელოს. მმართველი გუნდის იმედოვნებს, რომ კომპანიის პარტნიორობა The Lord of the Rings-თან უფრო მაღალ შემოსავალსა და მოგებას მოიტანს.
ინვესტორებმა Hasbro-ს აქციების გაყიდვის გადაწყვეტილება ერთი ანალიტიკოსის მოსაზრების საფუძველზე არ უნდა მიიღონ. ზოგჯერ ანალიტიკოსები ცდებიან. Magic-ს შეუძლია Hasbro-ს კვლავ მოუტანოს ზრდა, თუ გართობის ინდუსტრიის წამყვან ბრენდებთან პარტნიორობას გავითვალისწინებთ.
Hasbro-სთვის ყველაზე დიდი პრობლემა შემოსავლების შემცირებაა. კომპანია ამ ეკონომიკურ გარემოში რთულ მდგომარეობაშია, კონკურენტი Mattel კი, გაყიდვების მიმართულებით, ძლიერი მაჩვენებლების დაფიქსირებას განაგრძობს. Hasbro ამჟამად არ ჰგავს კარგ საინვესტიციო შესაძლებლობას მიუხედავად იმისა, თუ რა მოხდება Magic-ის გაყიდვებთან დაკავშირებით.
