რა მოხდა?
გუშინ Generac Holdings-ის აქციები საკმაოდ კარგი წარმადობით ხასიათდებოდა. ელექტროენერგიის წარმომქმნელი ტექნოლოგიური კომპანიის აქციების ფასი 3.5%-ით გაიზარდა და S&P 500-ის 1.5%-იან მატებას გადაუსწრო.
და რა?
იმპულსი აშკარად Generac-ის მხარესაა. ხუთშაბათ დილით, სავაჭრო დღის დაწყებამდე, Credit Suisse-ის ანალიტიკოსმა — მაჰეპ მანდლოიმ აქციების ფასი $165-დან $159-მდე შეამცირა, მაგრამ ამას ინვესტორები სულაც არ შეუფერხებია. სინამდვილეში, დღის განმავლობაში, კომპანიის აქციების ფასი, ოთხშაბათის ნიშნულიდან, მხოლოდ ოდნავ და მცირე ხნით დაქვეითდა.
ინვესტორების ოპტიმიზმი მხარს უჭერს Generac-ის აქციებს, რასაც ბოლო დღეებში კომპანიის მიერ წამახალისებელი სიახლეები ამყარებს. Generac-მა წარმოადგინა ახალი პროდუქტი, რომელიც ელექტრომობილების (EV) პოპულარობის ზრდის პერიოდში ნამდვილად დროული იყო — ეს არის EV-ს დამუხტვის სისტემა სახლისთვის.
მისი დამონტაჟება შესაძლებელია როგორც შიგნით, ასევე — გარეთ. მწარმოებლის თქმით, სისტემას შეუძლია ტიპური EV ბატარეები სრულად სულ რაღაც 4-დან 6 საათში დატენოს, რაც დამუხტვის სხვა გადაწყვეტებთან შედარებით, შესამჩნევი უპირატესობაა. მზარდ ბაზარზე ასეთი პროდუქტის მიმზიდველობა აშკარაა.
ახლა რა?
კიდევ ერთი გასათვალისწინებელი დინამიკა Generac-ის აქციების დაბალი ბაზაა. გასულ წელს თავის სექტორში კომპანიის აქციები ერთ-ერთი ყველაზე ცუდი წარმადობით ხასიათდებოდა. თუმცა, კორონავირუსის პანდემიის პერიოდში კომპანია სახლის გენერატორების ბიზნესი პოპულარობით სარგებლობდა.
