რა მოხდა?
უოლ სტრიტი სულ უფრო და უფრო წუხს, რომ ბაზარი რეცესიისკენ მიემართება და, შედეგად, აქციები იყიდება. ინდუსტრიები, რომლებიც განიხილება, როგორც დისკრეციული, სხვებზე უფრო მეტად ზარალდება.
ამ სიაში ავიაკომპანიებიც მოხვდა. American Airlines Group-ის და United Airlines Holdings-ის აქციები ფასები, გუშინ, შუა დღის ვაჭრობის მდგომარეობით, 9%-ზე მეტით დაეცა, ხოლო Delta Air lines-ის, Southwest Airlines-ის, JetBlue Airways-ის და Spirit Airlines-ის აქციების ფასები 5%-ზე მეტით შემცირდა.
ბრაზილიის Azul ასევე მოხვდა მასიურ გაყიდვებში და მისი აქციების ფასი 10%-ზე მეტით არის შემცირებული.
და რა?
საუკეთესო შემთხვევის სცენარი, რომელიც მიხედვითაც ავიაკომპანიების აქციები წელს დიდ სარგებელს მიიღებდა, გაურკვეველი დროით გადაიდო. პანდემიის ორი წლის ზარალის შემდეგ, ინვესტორები აღფრთოვანებულნი იყვნენ იმით, რომ მოგზაურობაზე მოთხოვნის ზრდა ავიაკომპანიების ფულის რეზერვებს შეავსებდა და, შესაბამისად, აქციების ფასებიც გაიზრდებოდა.
მოგზაურობაზე მოთხოვნა მართლაც გაიზარდა, მაგრამ შრომის ბაზრის დეფიციტისა და საწვავის მაღალი ხარჯების ერთობლიობამ ავიაკომპანიების გაფართოების შესაძლებლობები შეზღუდა და მარჟები შეამცირა.
ინფლაციის შემდგომი პერსპექტივები ან ფედერალური სარეზერვო სისტემის (Fed) მომავალი ნაბიჯები სექტორში გაურკვევლობის სრულიად ახალ დონეს ქმნის. ინვესტორები უკვე ღელავენ იმაზე, თუ როგორი იქნება მოგზაურობაზე მოთხოვნა სექტემბერში, როდესაც შვებულების სეზონი დიდწილად დასრულდება. მაკროეკონომიკური პერსპექტივა არის ახალი ფაქტორი, რომელმაც, შესაძლოა, წლის მეორე ნახევარში საქმიანი მოგზაურობები შეამციროს.
მიუხედავად იმისა, რომ Azul ძირითადად სამხრეთ ამერიკას ექვემდებარება, მისი აქციები ნიუ-იორკის საფონდო ბირჟაზე მიმოიქცევა და აშშ-ის ავიაკომპანიების აქციებთან ერთად მოძრაობს. Azul-ს და ყველა სხვა ავიაკომპანიას ემუქრება კოვიდ-19-ის ახალი ტალღის საფრთხე, რამაც, შეიძლება, საერთაშორისო მოგზაურობის თვალსაზრისით ახალი შეზღუდვები გამოიწვიოს.
ახლა რა?
არ არსებობს რაიმე განსაკუთრებული, დიდი მიზეზი იმისთვის, რომ ინვესტორებმა ავიაკომპანიების აქციები დღეს იყიდონ. პანდემიისგან მიღებული ზარალის აღდგენას, პოტენციური რეცესიის შედეგად გამოწვეული დამატებითი პრობლემების გარეშეც კი, წლები დასჭირდება. ინდუსტრიის საპილოტე დეფიციტი მომავალი წლების განმავლობაში გამოიწვევს კონტრაქტებს, უფრო მაღალი ხელფასებით. იმ გაურკვევლობის გათვალისწინებით, რაც ინდუსტრიას ელის, ინვესტორებს აღფრთოვანების მიზეზი არ აქვთ.
ზემოთ ჩამოთლილი აქციებიდან Delta და Southwest აღდგენისთვის საუკეთესოდ არის განლაგებული, ხოლო Azul ლათინური ამერიკის ერთ-ერთი წამყვანი ოპერატორია. სავარაუდოდ, ინვესტორები, რომლებიც ამ ტურბულენტობის გადალახვას შეძლებენ, საბოლოოდ კარგ შედეგს მიიღებენ, თუმცა ისინი საკმაოდ გრძელი მოგზაურობისთვის უნდა მოემზადონ.
