რა მოხდა?
S&P Global Market Intelligence-ის მიერ მოწოდებული მონაცემების თანახმად, გასული კვირის განმავლობაში CDW-ის აქციების ფასი თითქმის 13%-ით დაეცა. შედარებისთვის, დროის ამ მონაკვეთში, S&P 500 მცირედით — 0.1%-ით შემცირდა. ამ ვარდნამ IT (ინფორმაციული ტექნოლოგიები) სპეციალისტის აქციები 2023 წლისთვის ნეგატიურ ზონაში გადაიყვანა — წლის დასაწყისიდან ფასის ნიშნული 9%-ზე მეტით არის დაკლებული. ეს გამოწვეული იყო საკვანძო ბაზრებზე, როგორიცაა აშშ, გაყიდვების პირობების გაუარესების შესახებ მენეჯმენტის გაფრთხილებით.
და რა?
CDW-ს მენეჯმენტმა პირველი კვარტლის წინასწარი შედეგები სამშაბათს, 18 აპრილს გამოაცხადა. კომპანია 3 მაისს წარადგენს კვარტალურ ანგარიშს ეს მოიცავს გაყიდვების პერიოდს, რომელიც მარტის ბოლოს დასრულდა.
![](https://investhub.ge/wp-content/uploads/2023/04/CDW-Stock.png)
მენეჯმენტის თქმით, ამ პერიოდში გაყიდვების ტენდენციები გაუარესდა, რადგან ბევრმა მსხვილმა საწარმომ IT კონტრაქტის ხარჯები შეამცირა. „კვარტალი აღინიშნა ეკონომიკური გაურკვევლობის გაძლიერების პერიოდით” — განაცხადა აღმასრულებელმა დირექტორმა — ქრისტინ ლეჰიმ პრესრელიზში. CDW-ის გაყიდვებმა $5.1 მილიარდი შეადგინა, რაც ჩამორჩება მენეჯმენტის მოლოდინებს როგორც კორპორატიულ, ასევე გადაწყვეტების ნიშებში. „მიუხედავად იმისა, რომ ეს შედეგები მოსალოდნელზე სუსტი იყო, გუნდმა სწრაფად ცვალებად გარემოში კარგად იმოქმედა“ — თქვა ლეჰიმ.
ახლა რა?
ინვესტორებს აქვთ მიზეზი, რომ სულ მცირე მომდევნო რამდენიმე კვარტალში მუდმივ გამოწვევებს ელოდონ. CDW-ის უახლესი პროგნოზი გულისხმობს, რომ აშშ-ის საკვანძო ბაზარზე IT ხარჯები მაღალი ერთნიშნა მაჩვენებლით შემცირდება. ეს ვარდნა ზეწოლას იქონიებს მოგებაზე მოკლევადიან პერსპექტივაშიც, რადგან CDW-ს დასჭირდება დრო, რათა მოთხოვნის დაცემის საპასუხოდ ხარჯები შეამციროს.
აღმასრულებლები პროგნოზირებენ ოდნავ სუსტ კორექტირებულ მოგებას წელს 2022 წელთან შედარებით. ეს უფრო ფრთხილი პერსპექტივა არ ემუქრება CDW-ის ფართო ზრდის ამბიციებს, მაგრამ უოლ სტრიტი არ არის აღფრთოვანებული 2023 წელს უფრო სუსტი შემოსავლის პერსპექტივით.