Wedbush-ის აღმასრულებელმა დირექტორმა, დენ აივსმა განაცხადა, რომ მალე ოსტინში ახალი ქარხანა აშენდება, რომელიც დააჩქარებს წარმოებას და შეამსუბუქებს იმ პრობლემებს, რაც ელექტრომობილების მიწოდებასთან არის ხოლმე დაკავშირებული.
”იანვრის დასაწყისში ოსტინის წარმოების გაშვება ძალზე მნიშვნელოვანია იმისთვის, რომ Tesla-მა გააფართოვოს Model Y-ების გლობალური წარმოება, რომლებსაც 2022-ში დიდი წელი ექნებათ”, – წერს აივსი.
გასულ წელს, 2020-თან შედარებით, კომპანიამ 85%-ით მეტი მანქანა გამოუშვა, თუმცა ამ მანქანების უმეტესი ნაწილი იყო Model 3 სედანი და Model Y კროსოვერი, რომლებიც Tesla-ს შედარებით დაბალფასიანი, მაგრამ უფრო მაღალი მოცულობის მოდელებია. ახლა, როდესაც ყველა თვალს ადევნებს კომპანიის ქარხნების ამუშავებას ოსტინსა და ბერლინში, Wedbush-ს სჯერა, რომ Tesla შეძლებს წელიწადში ორი მილიონი ერთეულის გამოშვებას, თუმცა ჯერჯერობით არაა ცნობილი ზუსტი თარიღი, როდის დაიწყებს კომპანია ახალი მოდელების ექსპლუატაციას.
ილონ მასკის მოლოდინი იყო, რომ წარმოება 2021 წელს უკვე დაწყებული იქნებოდა, მაგრამ მაშინ ქარხნის გახსნის შესახებ ოფიციალური განცხადება არ გაკეთებულა. ამ თვის ყველაზე აქტუალური Giga Texas ქარხანა იყო, რომელიც აქტიურად აწარმოებს მანქანებს.
“ჩვენ გვჯერა, რომ მოთხოვნა იზრდება Tesla-ს მოდელ Y-ზე აშშ–სა და ევროპაში, ამიტომ 2022, სავარაუდოდ, კიდევ ერთი „საყოველთაო წელი“ იქნება Tesla-სა და მთლიანად ელექტრომობილების ინდუსტრიისთვის“, – წერს აივსი.
წყარო: finance.yahoo
