ხვალ, სავაჭრო დღის დასრულების შემდეგ, ელექტრომობილების (EV) ამერიკული მწარმოებელი Tesla კვარტალურ შედეგებს გამოაქვეყნებს. აღსანიშნავია, რომ ცოტა ხნის წინ EV კომპანიამ წარადგინა 2024 წლის მეორე კვარტლის მიწოდებისა და წარმოების მაჩვენებლები, რომლებმაც უოლ სტრიტის ანალიტიკოსების მოლოდინებს გადააჭარბა.
მიმდინარე წლის მეორე მეოთხედში ელექტრომობილების მწარმოებელმა გიგანტმა 410,831 მანქანა აწარმოა, ხოლო ბაზარს 443,956 მიაწოდა. მიუხედავად იმისა, რომ 2023 წლის მეორე კვარტალთან შედარებით, მიწოდების მაჩვენებელი 5%-ით შემცირდა, მან გადააჭარბა ანალიტიკოსების პროგნოზს, რომელიც დაახლოებით 439,000-ს შეადგენდა.
უოლ სტრიტის მოლოდინები
Visible Alpha-ს მიერ შედგენილი მონაცემებით, უოლ სტრიტის ანალიტიკოსები ვარაუდობენ, რომ 2024 წლის მეორე კვარტალში Tesla-ს შემოსავალი $24.93 მილიარდს მიაღწევს, რაც გასული წლის იმავე მეოთხედში დაფიქსირებულ შედეგს უტოლდება. რესტრუქტურიზაციის, კვლევისა და განვითარების ხარჯები, სავარაუდოდ, უფრო მაღალი იქნება, ვიდრე შარშან, ამიტომ ანალიტიკოსები მოელიან, რომ Tesla-ს წმინდა მოგება $1.73 მილიარდს მიაღწევს. ეს მაჩვენებელი 2023 წლის მეორე კვარტლის შედეგს $2.7 მილიარდით ჩამორჩება.
| მაჩვენებელი | ანალიტიკოსების პროგნოზი | 2024 წლის I კვ. | 2023 წლის II კვ. |
| შემოსავალი | $24.93 მილიარდი | $21.3 მილიარდი | $24.93 მილიარდი |
| განზავებული EPS | $0.50 | $0.34 | $0.78 |
| წმინდა მოგება | $1.73 მილიარდი | $1.13 მილიარდი | $2.7 მილიარდი |
საკვანძო მაჩვენებელი — მიწოდება
Tesla-ს წარმოებისა და მიწოდების მოსალოდნელზე უკეთესმა მონაცემებმა ხელი შეუწყო ელექტრომობილების მწარმოებლის აქციების ფასის მნიშვნელოვან ზრდას.
მიუხედავად იმისა, რომ Tesla-ს მიწოდების მაჩვენებელი უფრო დაბალი იყო, ვიდრე გასული წლის მეორე კვარტალში, ის ხაზს უსვამს ძლიერ კვარტალს ელექტრომობილების ბაზრისთვის. აღსანიშნავია, რომ მეორე კვარტალში EV სტარტაპ Rivian (RIVN)-ის მიწოდებაც გაიზარდა და ბოლო კვირებში Tesla-ს ზოგიერთმა კონკურენტმა ჩინურმა კონკურენტმა ასევე გაყიდვების პოზიტიური მონაცემები გამოაქვეყნა.
გარდა ამისა, მეორე კვარტალში General Motors-ისა (GM) და For-ის (F) გაყიდვები წლიურად, შესაბამისად, 40%-ით და 61%-ით გაიზარდა.
რობოტაქსი
ინვესტორები დიდი ყურადღებით მოელიან განახლებებს Tesla-ს სადებიუტო ღონისძიებაზე კომპანიის ავტონომიური რობოტაქსის შესახებ. ელექტრომობილების მწარმოებელს თავისი რობოტაქსი 8 აგვისტოს უნდა წარედგინა, თუმცა ცოტა ხნის წინ Tesla-ს აღმასრულებელმა დირექტორმა — ილონ მასკმა თქვა, რომ კომპანიამ რობოტაქსის სადებიუტო ღონისძიება, მის მიერ დიზაინის შეცვლის მოთხოვნის გამო, ოქტომბრამდე გადადო. ჯერჯერობით კონკრეტული თარიღი ცნობილი არ არის.
აღმასრულებელი დირექტორის თქმით, დამატებითი დრო Tesla-ს ინჟინრებს ასევე საშუალებას მისცემს, ავტომობილებს მეტი ფუნქცია დაამატონ.
აღსანიშნავია, რომ მას შემდეგ, რაც Tesla-ს მენეჯმენტმა ეს ღონისძიება პირველად დააანონსა, ანალიტიკოსებმა ბაზარს შესთავაზეს თავიანთი შეხედულებები ავტონომიური მართვის მანქანებთან დაკავშირებით კომპანიის გეგმების შესახებ. Deutsche Bank-ის ანალიტიკოსებმა კონცეფციას უწოდეს „თეზისის შემცვლელი“ ტესლას ბიზნესისთვის. Wedbush-ის ანალიტიკოსებმა კი განაცხადეს, რომ პროდუქტები, როგორებიც არის რობოტაქსი და ტესლას ავტონომიური მართვის პროგრამული უზრუნველყოფა, კომპანიას AI ბაზრის ყველაზე დაუფასებელ მოთამაშედ აქცევს.
როგორ აფასებენ ანალიტიკოსები Tesla-ს აქციებს?
Tesla-ს აქციების ამჟამინდელი ფასი დაახლოებით $239.00-ს შეადგენს. ამ ეტაპზე კომპანიას უოლ სტრიტის 35 ანალიტიკოსი აფასებს. საშუალო სამიზნე ფასი $193.18-ს შეადგენს, მაქსიმალური პროგნოზი — $310.00-ს, ხოლო მინიმალური — $22.86-ს. საშუალო სამიზნე ფასი Tesla-ს აქციების ამჟამინდელი ფასიდან დაახლოებით 19.2%-იან კლებას გულისხმობს. კომპანიის აქციებს ამ 35 ანალიტიკოსიდან 13-მა მიანიჭა ყიდვის რეკომენდაცია, 13-მა — ნეიტრალური რეიტინგი, ხოლო 9-მ — გაყიდვის რეკომენდაცია.
Tesla-ს აქციების შეძენა საქართველოს ბანკის მობილბანკში შეგიძლიათ ბმულზე.
