რა მოხდა?
გუშინ Moderna-სა და Pfizer-ის აქციები S&P 500 ინდექსმა დაჩრდილა. Moderna-ს აქციების ფასმა 2%-ზე მეტი ვარდნა განიცადა, Pfizer-მა მხოლოდ 0.6%-ით მოიმატა, ხოლო S&P 500 თითქმის 2%-ით გაიზარდა. ამ ყველაფერში კი დამნაშავე იყო დამაბრკოლებელი ახალი ამბავი Moderna-სგან.
და რა?
ხუთშაბათს, ბაზრის გახსნამდე, Moderna-ს წარმომადგენლებმა განაცხადეს, რომ კომპანია ევროკომისიას (EC) კორონავირუსის ვაქცინის – Spikevax-ის ბუსტერ დოზების მიწოდების გრაფიკის შეცვლაზე დათანხმდა.
EC არის 27 წევრისგან შემდგარი ევროკავშირის (EU) აღმასრულებელი ორგანო. შესწორებული შეთანხმება ევროკავშირის თითოეულ წევრ ქვეყანას საშუალებას აძლევს, რომ ბუსტერ დოზები მოგვიანებით, 2022 წელს ან 2023 წლის დასაწყისში მიიღოს. თავდაპირველად, კონტრაქტის მიხედვით ამ წლის მეორე კვარტალში მიწოდება იყო გათვალისწინებული.
მიუხედავად იმისა, რომ Moderna-ს წარმომადგენლების განცხადებით, კომპანია ამ წლისთვის $21 მილიარდის ოდენობით წინასწარი შესყიდვის ხელშეკრულებებს მოელის, როგორც ჩანს, ინვესტორები ახალ ამბავს იმის ნიშნად აღიქვამენ, რომ, შესაძლოა, კოვიდ-19-ის ვაქცინებზე მოთხოვნა შესუსტდეს.
ახლა რა?
ამით აიხსნება Pfizer-ის აქციებზე ასახული ანალოგიური რეაქცია.
ამერიკულ ფარმაცევტულ კომპანიას ბოლო დღეებში ევროკავშირთან არსებული ხელშეკრულების შესახებ არაფერი უხსენებია. თუმცა, თუ ეკონომიკური გაერთიანება Moderna-ს ვაქცინების მიწოდებას ამუხრუჭებს, სავსებით შესაძლებელია, რომ იგივე Comirnaty-ს შემთხვევაშიც განმეორდეს. ეს უკანასკნელი არის Pfizer-ისა და გერმანული ბიოტექნოლოგიური კომპანიის – BioNTech-ის მიერ შემუშავებული ვაქცინაა.
Novavax-ს, რომელიც ასევე კორონავირუსის ვაქცინებს აწარმოებს, Moderna-სა და Pfizer-ის ბედი არ გაუზიარებია. გუშინ მისი აქციების ფასი 4%-ზე მეტით გაიზარდა.
ამ კომპანიას უფრო პოზიტიური სიახლეები ჰქონდა. წარმომადგენლებმა განაცხადეს, რომ მათ გააგზავნეს NVX-CoV2373 ვაქცინის ავტორიზაციის გაფართოების მოთხოვნა გაერთიანებული სამეფოს მედიკამენტებისა და ჯანდაცვის პროდუქტების მარეგულირებელ სააგენტოში, რათა კომპანიამ ქვეყანა ზრდასრულებისთვის განკუთვნილი ბუსტერ დოზებით მოამარაგოს. Novavax-ის ვაქცინა სააგენტომ პირველად თებერვალში დაუშვა.
