გასულ კვირას აქციების ფასი მკვეთრად შემცირდა, რადგან Dow Jones Industrial Average და S&P 500 2%-ზე მეტით დაეცა. ინდექსები წლის ყველაზე დაბალ ნიშნულთან შესაბამისად 9%-ით და 12%-ით არის ახლოს.
გარდა იმისა, რომ გეოპოლიტიკური მდგომარეობა გააგრძელებს ბაზარზე ზეგავლენას, იმ კომპანიებისთვის, რომლებსაც მეოთხე კვარტლის მოგების ანგარიში აქვთ წარსადგენი, უფრო მეტი მერყეობაა მოსალოდნელი. Vail Resorts, GameStop და FedEx სწორედ იმ კომპანიების სიაშია, რომელთა მოგების ანგარიშებსაც ყურადღება უნდა მაიქციოთ.
- Vail Resorts-ის ვიზიტორების ტენდენცია
Vail Resorts-ისთვის სათხილამურო სეზონის პიკი ცუდად დაიწყო. კომპანიის მენეჯმენტმა იანვრის შუა რიცხვებში განაცხადა, რომ ომიკრონის ვარიანტის ზრდა შერწყმული იყო ცუდ ამინდთან, რამაც დეკემბრის ბოლოს სათხილამურო ვიზიტები შეამცირა. კურორტებზე ტრაფიკი უფრო დაბალი იყო ვიდრე 2020 წლის ბოლოს, როდესაც კოვიდ-19-ით გამოწვეულმა მდგომარეობამ თითქმის ყველა მოგზაურობა შეაჩერა.
ოთხშაბათს Vail-ის მოგების ანგარიში ცხადყოფს, ცუდი დასაწყისის შემდეგ, გაუმჯობესდა თუ არა მოთხოვნის ტენდენციები იანვარსა და თებერვალში. დააკვირდით საბაგიროების დაკავების მაჩვენებელს, რადგან ზამთრის კურორტებზე მოთხოვნის ზრდა შესაბამისად საბაგიროებზე მოტხოვნასაც ზრდის.
Vail-ის გრძელვადიანი სტრატეგია გულისხმობს კურორტების განახლებაში ნაღდი ფულის დახარჯვას, რათა კომპანიამ მომხმარებლებს უფრო მაღალი დონის საკურორტო გამოცდილება შესთავაზოს. ეს კი ფულადი ნაკადებზე დაკვირვებისთვის მთავარი მიზეზია.
- GameStop-ის 2022 წლის პერსპექტივა
„მიმი“ აქციის (კომპანიის აქციები, რომლებმაც ონლაინ და სოციალური მედიის პლატფორმების საშუალებით, საკულტო მიმდევრები მოიპოვა) სტატუსის მოპოვების შედეგად, გასულ წელს GameStop-ის აქციები ფასი დიდი არასტაბილურობით ხასიათდებოდა, მაგრამ ხუთშაბათის მოგების ანგარიში კომპანიას საშუალებას აძლევს, რომ თავისი რეალური პოტენციალი გვაჩვენოს. ვიდეო თამაშების საცალო მოვაჭრეების აქციების ფასები 2022 წელს შემცირდა, ნაწილობრივ იმის გამო, რომ „მიმი“ აქციებმა გარკვეული ბრწყინვალება დაკარგა. ბიზნესთან დაკავშირებითაც უფრო მეტი პრაქტიკული საზრუნავი არსებობს, მას შემდეგ, რაც Best Buy-მ ცოტა ხნის წინ აღნიშნა, რომ ვიდეო თამაშების ნიშა საკურორტო სეზონზე მნიშვნელოვანად შენელდა.
ხუთშაბათს გავარკვევთ, დააზარალებს თუ არა ეს ვარდნა GameStop-ის აღდგენის პროცესს. განცხადების წინ, ინვესტორები იმედოვნებენ, რომ წლის უმსხვილეს კვარტალში გაყიდვები დაახლოებით 4%-ით – $2.2 მილიარდამდე გაიზრდება.
ამავდროულად, თვალი ადევნეთ მენეჯმენტის მდგრადი ზრდის მტკიცებულებას. GameStop საიმედოდ ძლიერი გაყიდვების მიღწევას მთელი ძალებით ცდილობდა მანამდეც, სანამ ინდუსტრია ძირითად ციფრული გაყიდვების მოდელზე გადაინაცვლებდა. ინვესტორები მართებულად არიან დაინტერესებული იმით, შეუძლია თუ არა საცალო მოვაჭრეს უკეთესი შედეგების მიღწევა იმის ფონზე, რომ მოთამაშეები პროდუქტს, სულ უფრო ხშირად, პირდაპირ გამომცემლებისგან და კონსოლის პლატფორმების საშუალებით ყიდულობენ.
- FedEx-ის მომგებიანობა
FedEx ფისკალური მესამე კვარტლის შედეგებს ხუთშაბათ შუადღისას აცხადებს და მასთან დაკავშირებული ბოლოდინები მოკრძალებულია. ამანათების მიწოდების გიგანტზე მოთხოვნამ, სავარაუდოდ, მოიმატა, რადგან 2021 წლის ბოლოს ონლაინ ვაჭრობის მოცულობა გაიზარდა. თუმცა ეს მიღწევა ტრანსპორტირების ხარჯების გაზრდით, უფრო მაღალი ხელფასებითა და პერსონალის დეფიციტით კომპენსირდება. მესამე კვარტლის შედეგები დამოკიდებული იქნება იმაზე, თუ რამდენად წარმატებით გაუმკლავდა FedEx ამ გამოწვევებს.
აღმასრულებელ დირექტორს – ფრედერიკ სმიტსა და მის გუნდს, შესაძლოა, 2022 წლისთვის მომავლის კონსერვატიული ხედვა ჰქონდეთ, განსაკუთრებით FedEx-ის ევროპული ბიზნესისთვის. ამ სეგმენტმა შეიძლება განიცადოს მნიშვნელოვანი ზეწოლა ეკონომიკური შეფერხებების შედეგად, რაც გეოპოლიტიკურ შეტაკებებთან არის დაკავშირებული.
თუმცა მომავალ წელს, FedEx კვლავ განაგრძობს გლობალური ინფრასტრუქტურის გაუმჯობესებაზე დიდი დანახარჯების გაწევას და ასევე აქციონერებისთვის, დივიდენდებისა და აქციების გამოსყიდვის გზით, ფულადი სახსრების დაბრუნებას.
