ამ სტატიაში განვიხილავთ აქციებს, რომელთა ამ კვირაში შეძენა, შესაძლოა, ხელსაყრელი საინვესტიციო გადაწყვეტილება არ იყოს. მოდით პირდაპირ კომპანიების განხილვაზე გადავიდეთ.
Coca-Cola
Coca-Cola მზარდი პოტენციალის აქცია არ არის. კომპანიის შემოსავალი ბოლო ცხრა წლიდან შვიდში შემცირდა. გამაგრილებელი სასმელების მოხმარების ტენდენცია სტაბილურად მცირდება მას შემდეგ, რაც 22 წლის წინ პიკს მიაღწია. ტკივილის შესამსუბუქებლად კომპანიამ ალტერნატიულ სასმელებს მიმართა, მაგრამ ზრდა მაინც არ არის შთამბეჭდავი. ნელა მზარდი Coca-Cola-ს P/E (ფასი/მოგება) კოეფიციენტი ამჟამად დაახლოებით 28-ს შეადგენს. თუ რეალური მზარდი პოტენციალის აქციები განაგრძობენ მატებას ისე, როგორც გასულ კვირას, სამართლიანი იქნება იმის თქმა, რომ ზრდაზე ორიენტირებული ინვესტორები, რომლებმაც Coca-Cola-ს, როგორც უსაფრთხო ინვესტიციას მიმართეს, კვლავ მზარდი პოტენციალის აქციებს დაუბრუნდებიან.
Blue Apron
გასულ კვირას ზოგიერთმა ყველაზე დაზარალებულმა აქციამ გამოკეთება დაიწყო. პარასკევს, ბირჟის დახურვისას, Blue Apron-ის აქციების ფასი, გასული ორშაბათის დაბალ მაჩვენებელთან შედარებით, 29%-ით იყო გაზრდილი.
Blue Apron არის ახალი ინგრედიენტებისა და რეცეპტების მიწოდების სერვისი, რომელიც ყველა დონის მზარეულს სახლში კერძების მომზადებაში ეხმარება. კომპანია თავდაპირველად 2 წლის წინ, პანდემიის ფონზე გაიზარდა. როდესაც ხალხი სახლში უფრო მეტ დროს ატარებს, კულინარიული უნარების ამაღლების სურვილი საკმაოდ გავრცელებულია. შემოსავლების ორნიშნა პროცენტული მაჩვენებლით კლების თანმიმდევრული წლების შემდეგ, Blue Apron-ის გაყიდვები 2020 წელს გაუმჯობესდა, მაგრამ ეს მხოლოდ 1%-იანი ზრდა იყო. 2021 წელს კი ეს მაჩვენებელი 2%-ით გაიზარდა.
კარგი ამბავი ის არის, რომ ანალიტიკოსები ამ ეტაპზე შემოსავლების ზრდის დაჩქარებას მოელიან. ცუდი ამბავი კი იმაში მდგომარეობს, რომ უოლ სტრიტი ამ კომპანიის მიმართ წარსულში პროგნოზების თვალსაზრისით გულუხვი იყო და Blue Apron-ის კვარტალურმა დეფიციტმა ბოლო სამ მოხსენებაში ანალიტიკოსების მოლოდინებს ბევრად გადააჭარბა.
ბაზრის ეს ნიშა ულმობელია. ყურადღების მისაქცევად სარეკლამო აქტივობა ძვირი ჯდება, იმავდროულად კონკურენტი პლატფორმები მომხმარებელს ფასდაკლებულ საწყის გარიგებებს სთავაზობს. ანალიტიკოსების ვარაუდით Blue Apron-ს შემდეგი 4 წლის განმავლობაში მოგების მიღება არ შეუძლია და კომპანიას, შეიძლება, არ ჰქონდეს საკმარისი ფინანსური რესურსები იმისთვის, რომ ამდენი ხნის მანძილზე აქციონერების შემცირების გარეშე გაძლოს.
Tencent Music Entertainment
მიუხედავად ჩინეთის ციფრული მუსიკის ბაზრის მძლავრი წილისა გასული ზაფხულის შემდეგ Tencent Music-ის აქციების ფასი ერთნიშნაა. შემოსავლების ზრდა ბოლო 4 წლის განმავლობაში მკვეთრად შენელდა. 2017 წელს Tencent Music Entertainment-მა შემოსავალი 152%-ით გაზარდა და ეს მაჩვენებელი შარშან 7%-ით შემცირდა.
თუ ამ კვირაში უსაფრთხო აქციებს ეძებთ, ნაკლებად სავარაუდოა, რომ ისინი Coca-Cola-ში, Blue Apron-ში ან Tencent Music Entertainment-ში აღმოაჩინოთ.