კვარტალური ანგარიშების სეზონი ოფიციალურად გაიხსნა. კვარტალური მაჩვენებლების გამოქვეყნება ბაზრის ფართო ცვალებადობასთან ერთად ინდივიდუალური აქციების ფასების დიდი რყევების გამომწვევია. მაგრამ ეს კვარტალური ანგარიშების სეზონის მხოლოდ ფასებზე ზემოქმედების ასპექტია.
კვარტალური ანგარიშები გრძელვადიან პერსპექტივაზე ორიენტირებულ ინვესტორებს, ფინანსური მონაცემების გაცნობა და მენეჯმენტის კომენტარების მოსმენა, კომპანიის მდგომარეობაში უფრო დეტალურად ჩახედვის საშუალებას აძლევს.
კვარტალური ანგარიშების სეზონი შესანიშნავი დროა ახალი კომპანიების აღმოსაჩენად და უკვე ნაცნობების შესახებ უახლესი ინფორმაციის მისაღებად. თუმცა, ბევრ ინვესტორს არასწორი მიდგომა აქვს და, შესაძლოა, ცუდი ჩვევებიც კი განავითაროს, რაც ფულის დაკარგვას გამოიწვევს. ამ სტატიაში მოცემულია 3 დიდი შეცდომა, რომელიც ამ კვარტალური ანგარიშების სეზონის დროს უნდა აირიდოთ.
- წარმატებულ კვარტალზე ფსონის გაკეთება
ერთ-ერთი ყველაზე გავრცელებული შეცდომა, რომელსაც ინვესტორები კვარტალური ანგარიშების სეზონზე უშვებენ, არის წარმატებულ კვარტალზე ფსონის გაკეთება. შესაძლოა, კომპანიამ შესანიშნავი კვარტალური შედეგები დააფიქსიროს, თუმცა ყველაფერი დამოკიდებულია იმაზე, თუ რაზეა ეს წარმატება დაფუძნებული. თუ კომპანიის ფუნდამენტური ბიზნესი სიმტკიცით არ ხასიათდება და დადებითი კვარტალური შედეგები გარკვეული მოკლევადიანი იმპულსით არის განპირობებული, მაშინ მხოლოდ წარმატებული კვარტალური ანგარიშიდან გამომდინარე ფსონის გაკეთება კარგი იდეა ნამდვილად არ არის. საინვესტიციო თეზისის (კონკრეტული საინვესტიციო სტრატეგიის დასაბუთებული არგუმენტი, რომელიც კვლევითა და ანალიზით არის გამყარებული) სამთვიან პერიოდზე დაფუძნება არის გზა, რომელიც ფულს დაგაკარგვინებთ.
- ერთი კვარტლისადმი ზედმეტი მნიშვნელობის მინიჭება
კიდევ ერთი გავრცელებული შეცდომა, რომელსაც ინვესტორები კვარტალური ანგარიშების სეზონზე უშვებენ არის ერთი კვარტალური ანგარიშის შედეგებზე ზედმეტად ფოკუსირება და მისთვის საჭიროზე მეტი დატვირთვის მინიჭება. კვარტალური შედეგები სასარგებლოა, მაგრამ ისინი მხოლოდ ისტორიის ნაწილის შესახებ გვამცნობს. ეს შედეგები არსებითად მიკერძოებულია რამდენიმე ფაქტორზე დაყრდნობით, როგორიც არის სეზონურობა, უფრო ფართო მაკროეკონომიკური ფაქტორები, დრო, იღბალი, ამინდი და ა. შ. კომპანიის შესაძლებლობებისა და ღირებულების მხოლოდ ერთ კვარტალზე დაფუძნებით შეფასება ვიწრო ხედვის მანიშნებელია და ეს ნამდვილად არ გამოგადგებათ.
უკეთესი მიდგომაა კვარტალური შედეგებისა და მენეჯმენტის კომენტარების შესწავლა, მათი ჩართვა ყოვლისმომცველ საინვესტიციო თეზისში, რათა დადგინდეს, არის თუ არა კომპანია გონივრულად შეფასებული და აღწევს თუ არა ის თავის მიზნებს.
- კვარტალურ შედეგებზე დაყრდნობით აქციების ყიდვა-გაყიდვა
ამას მივყავართ შემდეგ პუნქტამდე: აქციების ყიდვა ან გაყიდვა უბრალოდ იმიტომ, რომ მეოთხედი კარგი ან ცუდი იყო. კვარტალური მაჩვენებლების გამო აქციების ფასებმა, შესაძლოა, უზარმაზარი სვლები განახორციელოს და მიუხედავად იმისა, რომ ამ დროს მოკლევადიანი ტრეიდერები მოქმედებისკენ არიან მიდრეკილნი, ინდივიდუალურმა ინვესტორებმა, ალბათ, ამ მაგალითს არ უნდა მიბაძონ.
თუმცა, არის შემთხვევები, როდესაც კვარტალური შედეგების შემდეგ აქციების ყიდვა-გაყიდვა კარგია. თუ ფუნდამენტური საინვესტიციო თეზისი დაირღვა და კომპანია კარგ გრძელვადიან შესაძლებლობად აღარ გამოიყურება, მაშინ, შესაძლოა, თქვენი პოზიციების გადასახედად კარგი დრო იყოს. დღევანდელი ბაზარი, პირიქით, აქციების ფასების უმაღლესი დონეებიდან საგრძნობი კლებით, ყიდვის რამდენიმე შესანიშნავ შესაძლებლობას გვთავაზობს. თუ იმ კომპანიის აქციის ფასი, რომელში ინვესტირებაც გსურთ, კვარტალური ანგარიშის წარდგენის შემდეგ დაეცა და ბიზნესის ძლიერი საფუძვლები ხელუხლებელია, მაშინ ინვესტირება, შეიძლება, კარგი გადაწყვეტილება იყოს. მნიშვნელოვანია, რომ ბაზართან სინქრონიზება არ სცადოთ, რადგან ეს ფულს დაგაკარგვინებთ.
ყოველთვის გახსოვდეთ დიდი სურათის გააზრება
ადამიანის ბუნებაა აწმყოში ჩაბმა, განსაკუთრებით მაშინ, როდესაც Nasdaq Composite და S&P 500 bear market-ის ტერიტორიაზეა. მაღალი გაურკვევლობის დროს ბევრი ინვესტორი შეიძლება იმედოვნებდეს, რომ წარმატებული კვარტალური ანგარიშების სეზონი, შესაძლოა, სიტუაციის მობრუნებისთვის საჭირო ანტიდოტს უზრუნველყოფდეს. თუმცა, უკეთესი მიდგომა იქნება, თუ bear market-ს თქვენი გაცილებით ფართო საინვესტიციო მოგზაურობის უბრალოდ ერთ-ერთ ნაწილად განიხილავთ.
როდესაც საქმე ინდივიდუალურ აქციებს ეხება, ზოგიერთ ბიზნესს bear market-ის გადატანის ძალა შესწევს. ეს კომპანიები მიდრეკილია, bear ბაზრების დროს ძლიერი მენეჯმენტისა და მყარი ბალანსის წყალობით, ბაზრის წილი გაზარდოს. ამ პერიოდში მსგავს კომპანიებში ინვესტირებამ, შესაძლოა, მნიშვნელოვანი გრძელვადიანი სარგებელი მოუტანოს. ასე რომ, კონკრეტული კვარტლის შედეგებში ჩაფლობის ნაცვლად, მთლიანი სურათის დანახვის მნიშვნელობა და კვარტალური ანგარიშების სეზონის მიმართ ზომიერი მიდგომა მუდამ უნდა გახსოვდეთ.
