რა მოხდა?
IT გადაწყვეტების მიმწოდებელმა კომპანიამ — Supermicro Computer-მა კვარტალური ანგარიში სამშაბათს, სავაჭრო დღის დასრულების შემდეგ წარადგინა, გუშინ მისი აქციების ფასი 28%-ზე მეტით გაიზარდა. მიუხედავად იმისა, რომ კომპანიის შემოსავალი და მოგება ანალიტიკოსების მოლოდინებს ჩამორჩა, როგორც ჩანს, მენეჯმენტის მიერ სრული წლისთვის წინა პროგნოზების შენარჩუნებამ ინვესტორები ოპტიმისტურად განაწყო.
და რა?
Supermicro-ს კვარტალური შემოსავალი წლიდან წლამდე 6%-ით — $1.28 მილიარდამდე შემცირდა (ანალიტიკოსების პროგნოზი — $1.46 მილიარდი), ხოლო კორექტირებული EPS (მოგება თითო აქციაზე) $1.63-მდე გაიზარდა (გასული წლის იმავე კვარტალში — $1.55).
Supermicro-ს აღმასრულებელმა დირექტორმა — ჩარლზ ლიანგმა პრესრელიზში აღნიშნა, რომ კომპანია კვლავ განაგრძობს ჩართულობის რეკორდული დონით სარგებლობას თავისი მომავალი თაობის პროდუქციის ხაზისთვის, განსაკუთრებით ხელოვნური ინტელექტისთვის.
![](https://investhub.ge/wp-content/uploads/2023/05/Micro-Computer.png)
რაც შეეხება მომავალს, მენეჯმენტმა გაიმეორა წინა პროგნოზი მიმდინარე წლისთვის. კომპანიაში მოელიან, რომ შემოსავალი $6.6-$6.8 მილიარდს შეადგენს, რაც აღემატება ანალიტიკოსების პროგნოზს — $6.69 მილიარდს. გარდა ამისა, Supermicro-ს მენეჯმენტი მოელის, რომ კორექტირებული EPS $10.50-$11.00-ს მიაღწევს, რაც უკეთესია, ვიდრე ანალიტიკოსების პროგნოზი — $10.25.
ახლა რა?
ინვესტორების ოპტიმიზმს გუშინ დაემატა ის ფაქტი, რომ Loop Capital-ის, Northland-ისა და Susquehanna-ს ანალიტიკოსებმა Supermicro-ს აქციების სამიზნე ფასები გაზარდეს.
ტექნოლოგიური კომპანიის აქციების ფასი ანალიტიკოსების პროგნოზების ვერ გამართლების მიუხედავად იზრდება და აშკარაა, რომ ინვესტორების აზრით, კომპანია ჯერ კიდევ სწორი მიმართულებით მიდის.