რა მოხდა?
S&P Global Market Intelligence-ის მონაცემებით, Spotify Technology-ს აუდიო პლატფორმის აქციები სექტემბერში 20.2%-ით შემცირდა. თვის განმავლობაში ბაზარი 9%-ით დაეცა, რამაც Spotify დაღმასვლა გამოიწვია. დიდი ვარდნა კი დაფიქსირდა სექტემბრის შუა რიცხვებში, რაც ინფლაციის უახლეს მაჩვენებლებს შეესაბამება.
და რა?
TipRanks-ის თანახმად, Rosenblatt Securities-ის ანალიტიკოსმა – ბარტონ კროკეტმა 7 სექტემბერს Spotify-ის აქციების სამიზნე ფასი $118-დან $112-მდე შეამცირა. მიუხედავად იმისა, რომ ეს მცირე – მხოლოდ 5%-იანი შემცირება იყო, ასეთმა ნაბიჯმა შეიძლება ინვესტორების ნდობა შეარყიოს.
Spotify-ს აქციების უფრო დიდი ვარდნა, როგორც ჩანს, აშშ-ის ინფლაციის უახლეს მონაცემებს დაემთხვა. 13 სექტემბერს, აშშ-ს შრომის სტატისტიკის ბიუროს წარმომადგენლებმა განაცხადეს, რომ სამომხმარებლო ფასების ინდექსი (CPI) ერთი წლის განმავლობაში 8.3%-ით გაიზარდა, რაც დიდი ნახტომია.
ძნელია იმის ცოდნა, რეალურად ამ მიზეზით გაყიდეს თუ არა ინვესტორებმა Spotify-ს აქციები. თუმცა, შეიძლება ითქვას, რომ ინფლაცია მომხმარებლებს ხარჯვის ძალას ართმევს, რაც ნაკლებ ფულს ტოვებს ისეთი შესყიდვებისთვის, როგორიცაა Spotify-ს სერვისის გამოწერა.
გაითვალისწინეთ, რომ Spotify-ს მომხმარებელთა მხოლოდ 31% შეადგენს ფასიანი სერვისების გამომწერებს, მაგრამ 2022 წლის მეორე კვარტალში მათ შემოსავლის 87% შეადგინეს. ინფლაციის გამო ამ გადამხდელ მომხმარებელთა მხოლოდ მცირე ნაწილის დაკარგვაც კი დიდ გავლენას იქონიებს კომპანიაზე.
ყოველი ამის შემდეგ შეიძლება ვთქვათ, რომ Spotify-ის აქციების ფასი სექტემბერში ძირითადად იმის გამო დაეცა, რომ ბაზარს ცუდი თვე ჰქონდა.
ახლა რა?
იმაზე ფიქრით, თუ როგორ შეიძლება მოიპოვოს და შეინარჩუნოს ახალი მომხმარებლები, Spotify-მ აშშ-ში 20 სექტემბერს აუდიოწიგნები გამოუშვა. მენეჯმენტი აღფრთოვანებულია, რადგან აუდიოწიგნების ინდუსტრია ყოველწლიურად 20%-ით იზრდება. ამიტომ, ეს კომპანიას ზრდის ახალ შესაძლებლობას აძლევს. თუმცა, ის ასევე ქმნის ახალ კონკურენტულ გამოწვევებს ტოპ ტექნოლოგიური კომპანიების, მათ შორის Amazon-ისა და Apple-ის წინააღმდეგ.
Amazon აუდიოწიგნების გამოწერის სერვისს გვთავაზობს და მისი Audible პლატფორმა ბაზარზე დომინირებს. Spotify-ს აუდიო წიგნების შეძენა ინდივიდუალურად ხორციელდება, ამიტომ ამან შეიძლება მომხმარებლების სხვადასხვა ჯგუფი მიიზიდოს. მაგრამ მაინც საინტერესო იქნება, თუ როგორ უპასუხებს კომპანიის ამ ნაბიჯს Amazon.
აუდიოწიგნების ჩამოტვირთვებზე საუბრისას, ჩვენ არ უნდა დავივიწყოთ Apple-ს შესახებ. Spotify მომხმარებლებს აუდიოწიგნების შეძენის საშუალებას მხოლოდ ვებ-ბრაუზერიდან აძლევს. Apple-ის შემთხვევაში კი ეს iOS აპლიკაციიდან არის შესაძლებელი. საეჭვოა, რომ Apple უბრალოდ უგულებელყოფს ამ ნაბიჯს.
Spotify Apple-ს მონოპოლიაში 2019 წლიდან ადანაშაულებს. 8 სექტემბერს Spotify-ის თანადამფუძნებელი და აღმასრულებელი დირექტორი – დანიელ ეკი ევროკომისიას შეხვდა, რათა ეს საქმე წინ უფრო სწრაფად წავიდეს.
2022 წლის 25 ოქტომბერს, მესამე კვარტლის ფინანსური ანგარიშის წარდგენისას ინვესტორები შეძლებენ გაიგონ, არის თუ არა რეალურად ინფლაცია Spotify-სთვის მთავარი წინაღობა.
