რა მოხდა?
M&T Bank-ს რთული კვირა ჰქონდა, რადგან მისი აქციების ფასი თითქმის 13%-ით დაეცა. ბანკი ძირითადი ინდექსების ზრდის ტემპს საგრძნობლად ჩამორჩებოდა. იმავე დროის განმავლობაში S&P 500 და Dow Jones Industrial Average 4%-ზე მეტით გაიზარდა, ხოლო Nasdaq — 5.46%-ით.
და რა?
მიუხედავად იმისა, რომ ბევრმა მსხვილმა ბანკმა ბოლო რამდენიმე კვირის განმავლობაში მოსალოდნელზე უკეთესი კვარტალური ანგარიში წარადგინა, ზოგიერთი პატარა ბანკის შემთხვევაში იგივე არ მომხდარა. მათ რიგებში აღმოჩნდა M&T — ბუფალოში, ნიუ-იორკში დაფუძნებული რეგიონული ბანკი.
შემოსავალი წელიწადში 46%-ით გაიზარდა და $2,2 მილიარდი შეადგინა, მაგრამ ეს მაჩვენებელი უფრო დაბალი იყო, ვიდრე ანალიტიკოსების პროგნოზი – $2,3 მილიარდი.
მოგება შემცირდა, ნაწილობრივ, საკრედიტო დანაკარგების უფრო მაღალი რეზერვის გამო – $115 მილიონი, ერთი წლის წინ $20 მილიონის მოცულობის რეზერვთან შედარებით. ამ წლის დასაწყისში ბანკს ასევე ჰქონდა $242 მილიონის რეზერვი People’s United Financial-ის შესყიდვის შედეგად გადატანილ სესხებზე. ასევე, $53 მილიონის ოდენობით ხარჯებმა, რომლებიც People’s United-ის შეძენასთან არის დაკავშირებული, მოგება შეაფერხა.
ახლა რა?
სასესხო ნაშთები, ($126.3 მილიარდი) წინა კვარტალთან შედარებით ოდნავ შემცირდა, მაგრამ ეს მაჩვენებელი წლიურად 37%-ით გაიზარდა. სესხების მცირე კლებამ შესაძლოა ასევე იმოქმედა ინვესტორებზე, რადგან ბევრმა მსხვილმა ბანკმა სესხების ზრდა დააფიქსირა. მიუხედავად ამისა, წმინდა საპროცენტო შემოსავალი, უფრო მაღალი განაკვეთების გამო, წინა კვარტალთან შედარებით 19%-ით, ხოლო წლიდან წლამდე 74%-ით გაიზარდა. ასევე, წმინდა გადასახადებმა წელიწადში 58%-ით – $63 მილიონამდე მოიმატა.
მთლიანობაში, კვარტალური ანგარიში არც ისე ცუდია, როგორც ბაზრის რეაქცია. მისი დიდი ნაწილი People’s United-თან ინტეგრაციასთან დაკავშირებულ ხარჯებით არის გამოწვეული. M&T-ს აქციების P/E (ფასი/მოგება) კოეფიციენტი ამჟამად 15.26-ს შეადგენს.
