რა მოხდა?
Moderna-ს აქციებისთვის ორშაბათი იყო შესანიშნავი დღე, რომელმაც, შესაძლოა, პანდემიის პერიოდის აღმავალი დღეები მოგაგონოთ. ანალიტიკოსის დადებითი შეფასების შემდეგ ბიოტექნოლოგიური კომპანიის აქციების ფასი დაახლოებით 7%-ით გაიზარდა.
და რა?
ორშაბათ დილით, TD Cowen-ის ანალიტიკოსმა — ტაილერ ვან ბურენმა Moderna-ს აქციების ნეიტრალური რეიტინგი ყიდვის რეკომენდაციით შეცვალა და სამიზნე ფასი 20%-ით — $150-დან $180-მდე გაზარდა.
ტაილერი ხედავს რამდენიმე კატალიზატორს, რომლებიც Moderna-ს მომდევნო წლებში ზრდაში უნდა შეუწყოს ხელი. მან ახალ კვლევით ჩანაწერში აღნიშნა, რომ კომპანია იქნება ლიდერი ცნობილი სასუნთქი გზების ინფექციის — რესპირატორულ-სინციტიალური ვირუსის (RSV) მკურნალობაში. Moderna ასევე აპირებს გამოაქვეყნოს გრიპის ვაქცინის კლინიკური ცდის მონაცემები ამ თვის ბოლომდე და ანალიტიკოსის მოლოდინით, შედეგი საუკეთესო იქნება.
ახლა რა?
Moderna-მ შეიმუშავა და დღემდე აწარმოებს მსოფლიოში ერთ-ერთ წამყვან კორონავირუსულ ვაქცინას — Spikevax-ს. პანდემიის პერიოდში Moderna საფონდო ბირჟის „ვარსკვლავი“ იყო. თუმცა მას შემდეგ ბიოტექნოლოგიურ კომპანიას ბევრმა ინვესტორმა ზურგი აქცია და Moderna-ს ბრწყინვალებაც გაქრა.
მიუხედავად ამისა, mRNA-ზე დაფუძნებული ტექნოლოგია, რომელიც საფუძვლად დაედო Spikevax-ს, თეორიულად შეიძლება მრავალი დაავადების სამკურნალოდ იქნას გამოყენებული. ასე რომ, თუ კომპანია სწორ ნაბიჯებს გადადგამს, Spikevax წარმატების კიბეზე ხანგრძლივი და მომგებიანი ასვლის მხოლოდ დასაწყისი იქნება.
