რა მოხდა?
S&P Global Market Intelligence-ის მიერ მოწოდებული მონაცემების მიხედვით, გასული თვის განმავლობაში Microsoft-ის აქციების ფასი 15.6%-ით გაიზარდა. ინვესტორები დადებითად გამოეხმაურნენ სიახლეებს, რომლებიც კომპანიის მიერ გეიმინგ ინდუსტრიის ლიდერის — Activision Blizzard-ის შესყიდვასთან არის დაკავშირებული. ამასთან, აქციები გაიზარდა ტექნოლოგიური სექტორის დადებითი იმპულსის წყალობით, რაც ეკონომიკური მოლოდინების ცვლილებამ განაპირობა.
და რა?
Microsoft-ის მიერ Activision Blizzard-ის შეძენის გარიგების შესახებ ერთ წელზე მეტი ხნის წინ გახდა ცნობილი, მაგრამ ეს პროცესი გადაიდო, რადგან სხვადასხვა ქვეყნის მთავრობა შეთანხმებას ანტიმონოპოლიური რეგულაციების მიხედვით ამოწმებს. ამ მხრივ კი პოზიტიური სიახლე გავრცელდა, რადგან გაერთიანებული სამეფოს მარეგულირებლებმა ოფიციალურად გააქარწყლა ზოგიერთი ეჭვი, რომელმაც ეს შეთანხმება შეაფერხა. Activision Microsoft-ის მთლიანი შემოსავლის 2%-ზე ნაკლებზე იქნება პასუხისმგებელი, მაგრამ ეს გარიგება ტექნოლოგიურ გიგანტს მაღალგანვითარებული გეიმინგ ინდუსტრიის ერთ-ერთ უმსხვილეს მოთამაშედ აქცევს.
Microsoft-მა ასევე ისარგებლა გარკვეული იმპულსით, რომელიც თავისი ხელოვნური ინტელექტის (AI) მზარდი ბიზნესის წყალობით მიიღო. კომპანიამ OpenAI-სთან თანამშრომლობის შედეგად სფეროში მთავარ მოთამაშედ დაიმკვიდრა თავი. ინვესტორები ახლა ხელოვნური ინტელექტის პოტენციური ბიზნეს აპლიკაციებით აღფრთოვანებულნი არიან და განცხადებები ამ თემაზე აქციების ფასებზე ზემოქმედებს.
მაიკროსოფტმა ასევე ისარგებლა მაკროეკონომიკური ძალებით გამოწვეული სექტორის მიღწევებით. ტექნოლოგიურმა აქციებმა დადებითი იმპულსი მიიღო, რადგან მარტში ჩატარებული ფედერალური რეზერვის პრესკონფერენციის შემდეგ, გაჩნდა იმედი, რომ წლის მეორე ნახევარში საპროცენტო განაკვეთების ზრდა შეჩერდება.
ახლა რა?
ათწლეულების განმავლობაში Microsoft გიგანტური ტექნოლოგიების ლიდერთა შორის იყო, მაგრამ კომპანიის ბიზნესი ახლა უფრო დივერსიფიცირებულია, ვიდრე ოდესმე. ის ლიდერებს შორისაა ბაზრის მრავალ მნიშვნელოვან სეგმენტში, მათ შორის არის ხელოვნური ინტელექტი, გეიმინგი, პროდუქტიულობის პროგრამული უზრუნველყოფა, ქლაუდ სერვისები, ვებ ძიება და ციფრული რეკლამირება. შედეგად, Microsoft არის საკმაოდ სტაბილური ფულადი ნაკადების მწარმოებელი, რომელიც ფართო ეკონომიკურ ზრდასაც უსწრებს. ეს იშვიათი კომბინაციაა და მიმზიდველია საინვესტიციო სტრატეგიების ფართო სპექტრისთვის.
