რა მოხდა?
გუშინ IBM-ის აქციების ფასი 7%-ით გაიზარდა მას შემდეგ, რაც ტექნოლოგიურმა ტიტანმა გაყიდვებისა და მოგების მიმართულებით მოსალოდნელზე ძლიერი შედეგები დააფიქსირა.
და რა?
პირველ კვარტალში IBM-ის შემოსავალი 8%-ით გაიზარდა და $14.2 მილიარდი შეადგინა. Kyndryl-ის გაყიდვებმა (IT (ინფორმაციული ტექნოლოგია) სერვისების ბიზნესი, რომელიც ნოემბერში IBM-ისგან განცალკევდა) ამ ზრდის 5 პროცენტული პუნქტი შეადგინა.
პროგრამული უზრუნველყოფის და საკონსულტაციო გაყიდვები ნათელი წერტილი იყო. ამ სეგმენტებში გაყიდვები 12%-ით და 13%-ით გაიზარდა, შესაბამისად, $5.8 მილიარდითა და $4.8 მილიარდით. მიღწევები გააძლიერა დიდმა მოთხოვნამ IBM-ის ჰიბრიდულ ქლაუდ შეთავაზებებზე, რომელიც კომპანიებს საჯარო ქლაუდ გამოთვლით პლატფორმებთან (მაგალითად, Microsoft და Alphabet) თავიანთი კერძო IT ოპერაციების ინტეგრირებაში ეხმარება. მთლიანობაში IBM-ის ჰიბრიდული ქლაუდ შემოსავალი 14%-ით გაიზარდა და $5 მილიარდს მიაღწია, რის შედეგადაც წლიური ტემპი $20 მილიარდს აჭარბებს.
IBM-ის კორექტირებული მოგება უწყვეტი ოპერაციებიდან გაიზარდა 25%-ით – $1.40-მდე თითო აქციაზე. ამან გადააჭარბა უოლ სტრიტის პროგნოზს, რომელიც თითო აქციაზე $1.38-ს შეადგენდა.
ტექნოლოგიური გიგანტის ფულადი ნაკადების წარმოება კვლავ ძლიერი იყო. IBM-მა $1.2 მილიარდის მოცულობის ფულადი სახსრების თავისუფალი ნაკადი გამოიმუშავა. ამან, ბალანსზე არსებულ $10 მილიარდზე მეტი მოცულობის ფულად რეზერვთან ერთად, IBM-ს საშუალება მისცა $1.5 მილიარდი აქციონერებისთვის დივიდენდების სახით გადაენაწილებინა.
ახლა რა?
ამ სოლიდურმა შედეგებმა IBM-ს თავისი სრული წლის ფინანსური პერსპექტივის გაუმჯობესების შესაძლებლობა მისცა. კომპანიამ გაიმეორე თავისი პროგნოზი 2022 წელს $10.5 მილიარდის მოცულობის ფულადი სახსრების თავისუფალი ნაკადების შესახებ და შემოსავლის საპროგნოზო მაჩვენებელიც გაზარდა.
მთავარმა ფინანსურმა ოფიცერმა – ჯეიმს კავანომ პრესრელიზში განაცხადა, რომ პირველ კვარტალში კომპანიამ, საშუალოვადიანი მოდელის შესაბამისად, ბიზნესის საფუძვლების გაძლიერება გააგრძელა. მან ასევე დასძინა, რომ IBM არის უფრო სწრაფად მზარდი, უფრო მოგებიანი კომპანია, უფრო მაღალი ღირებულების ბიზნეს მიქსით, მნიშვნელოვანი გამეორებადი შემოსავლის ბაზით და ძლიერი ფულადი სახსრების გამომუშავებით.
