რა მოხდა?
კოვიდ-19-ის ვაქცინის რამდენიმე მწარმოებელმა ეს კვირა რთულად დაიწყო. გუშინ, აღმოსავლეთის დროით 12:27 საათისთვის BioNTech-ის აქციების ფასი 8.2%-ით იყო შემცირებული, ხოლო Moderna-სა და Novavax-ის, შესაბამისად, 5.3%-ით და 6.4%-ით.
ხშირად, როდესაც ამ სამი ვაქცინის მწარმოებელი კომპანიის აქციების ფასები ერთდროულად ეცემა, ეს საერთო მიზეზით ხდება, მაგრამ ამჯერად საქმე სხვაგვარადაა. ამ შემთხვევაში, თითოეული აქციის ფასის კლების განსხვავებული მიზეზი არსებობს.
როგორც ჩანს, ინვესტორები შეშფოთებულნი არიან BioNTech-ით, რადგან ტაივანის მიერ კოვიდ-19-ის ვაქცინის პედიატრიული მიზნებით შეძენის მოლაპარაკება ჩიხში შევიდა. პრობლემა ის არის, რომ BioNTech და მისი პარტნიორი, ჩინური მედიკამენტების მწარმოებელი – Fosun ტაივანის ბაზარზე მარკეტინგულ უფლებებს ფლობენ. თუმცა BioNTech-ის კიდევ ერთი პარტნიორი – Pfizer, ბავშვებისთვის კოვიდ-19-ის საწინააღმდეგო ვაქცინებს ამზადებს.
მიუხედავად იმისა, რომ გასულ შაბათ-კვირას Moderna-ს მიერ წარმოებულმა კოვიდ-19-ის საწინააღმდეგო ვაქცინამ ტაივანში 6-დან 11-წლამდე ასაკის ბავშვების იმუნიზაციისთვის გამოსაყენებლად დამტკიცება მოიპოვა, კომპანიის აქციების ფასი მცირდება. პოზიტიური სიახლეები არ აღმოჩნდა საკმარისი, რომ ბოლო კვირებში დაფიქსირებული კომპანიის აქციების დაღმავალი იმპულსი შეეჩერებინა, რომელიც Moderna-ს წარმომადგენლების მიერ, კომპანიის ექსპერიმენტული გრიპის ვაქცინის გვერდითი მოვლენების შესახებ განცხადებამ გამოიწვია.
Novavax-საც ჰქონდა კარგი ამბავი. იაპონიის ჯანდაცვის სამინისტროს კომიტეტმა მისი კოვიდ-19 ვაქცინა დაამტკიცა. ეს ნაბიჯი გზას უხსნის იაპონიაში Novavax-ის ვაქცინის სავარაუდო სრულ დამტკიცებას. თუმცა ეს მხოლოდ ხაზს უსვამს ინვესტორების ღელვას იმის შესახებ, რომ აშშ-ის მნიშვნელოვან ბაზარზე კომპანიას ჯერ კიდევ არ მიუღია ვაქცინის გადაუდებელი გამოყენების ავტორიზაცია (EUA). Novavax-მა აშშ-ის EUA 31 იანვარს მოითხოვა.
და რა?
სავსებით შესაძლებელია, რომ ბაზრის ეს მოძრაობები გადაჭარბებული რეაქცია იყოს. BioNTech-ის ბედი არ არის დამოკიდებული ტაივანში პედიატრიული გამოყენების ვაქცინის გაყიდვაზე. Moderna-ს გრიპის საწინააღმდეგო ვაქცინის დაბალი პერსპექტივები უკვე ასახულია მისი აქციების ფასში. Novavax-ის სიახლეები იაპონიაში, სავარაუდოდ, კომპანიის აქციებისთვის მინიმუმ მცირე მატება უნდა ყოფილიყო.
თუმცა, ინვესტორები კვლავ შეშფოთებულნი არიან კოვიდ-19-ის ვაქცინების ბაზრის საერთო დინამიკით. არავინ იცის რამდენად ძლიერი იქნება ვაქცინებზე მოთხოვნა.
ახლა რა?
Novavax-ს, ალბათ, აღდგენისკენ ყველაზე ნათელი გზა აქვს. თუ კომპანია აშშ-ის EUA-ს მიიღებს, ინვესტორებს დამშვიდების საშუალება მიეცემათ. როდის დადგება (თუ ეს საერთოდ მოხდა) ეს დრო ჯერ კიდევ გაურკვეველია.
BioNTech-სა და Moderna-ს სხვა პოტენციური კატალიზატორები გააჩნია. მათი აქციების ფასები შეიძლება გაიზარდოს, თუ კომპანიები მიწოდების დამატებით ხელშეკრულებებს უზრუნველყოფენ. წარმატებულმა ტესტირებამ მათი ვაქცინების ვერსიებისა, რომლებიც კორონავირუსის ომიკრონის ვარიანტის წინააღმდეგ არის მიმართული, ასევე, შეიძლება, ინვესტორები გაამხნეოს.
