რა მოხდა?
გუშინ, ანალიტიკოსის უარყოფითი შეფასების შემდეგ, კიბერუსაფრთხოების კომპანიის — Cloudflare-ის აქციების ფასი 1%-ით შემცირდა. წლის დასაწყისიდან ეს მაჩვენებელი 62%-ზე მეტით არის გაზრდილი.
და რა?
შვეიცარიული საინვესტიციო ბანკის — UBS-ის ანალიტიკოსმა როჯერ ბოიდმა Cloudflare-ის აქციები შეაფასა. კიბერუსაფრთხოების კომპანიის აქციებს მან გაყიდვის რეიტინგი და $55-ის ტოლი სამიზნე ფასი მიანიჭა. Cloudflare-ის აქციების ღირებულება ამჟამად დაახლოებით $70-ს შეადგენს. ანალიტიკოსმა განაცხადა, რომ ინვესტორები Cloudflare-ისთვის პოტენციურ ახლოვადიან AI (ხელოვნური ინტელექტი) სარგებელს გადამეტებულად აფასებენ.
როჯერ ბოიდი მიიჩნევს, რომ Cloudflare ხელოვნური ინტელექტის ათვისებისგან გარკვეულ სარგებელს მიიღებს, თუმცა, მისი აზრით, ახლო პერსპექტივაში ამ ტენდენციით კიბერუსაფრთხოების სხვა კომპანიები უფრო ისარგებლებენ, რადგან გასული თვის განმავლობაში Cloudflare-ის აქციების ფასი უკვე 45%-ზე მეტით გაიზარდა.
ახლა რა?
მეორე მხრივ, ანალიტიკოსები ხედავენ Cloudflare-ის ზრდის ძლიერ პერსპექტივებს გრძელვადიან პერსპექტივაში. მაგალითად, S&P Global Market Intelligence-ის მიერ გამოკითხული ანალიტიკოსები ვარაუდობენ, რომ Cloudflare-ის შემოსავალი (ამჟამად უარყოფითი) მომდევნო 5 წელიწადში 37%-ის ტოლი CAGR-ით (საშუალოწლიური ზრდის ტემპი რთულ პროცენტებში) გაიზრდება.
