რა მოხდა?
Carvana-ს აქციებს სამშაბათს მოსაწყენი დღე ჰქონდა – მათი წარმადობა ფართო საფონდო ბირჟას ოდნავ ჩამორჩა. ავტომობილების მსხვილი საცალო ვაჭრობის კომპანიის აქციების ფასი მხოლოდ ოდნავ (+0.82%) გაიზარდა. S&P 500 ინდექსის მატებამ კი 1%-ს გადააჭარბა. მთავარი მიზეზი ანალიტიკოსის მიერ Carvana-ს აქციების დაქვეითება იყო.
და რა?
Wedbush-ის ანალიტიკოსმა – სეთ ბაშამმა Carvana-ს აქციების ყიდვის რეკომენდაცია ნეიტრალურით შეცვალა და, გარდა ამისა, მან კომპანიის აქციების სამიზნე ფასი მნიშვნელოვნად – $50-დან $15-მდე შეამცირა.
ბაშამის ახალი და უფრო პირქუში აღქმა გამომდინარეობს როგორც ზოგადად საავტომობილო ბაზრის მდგომარეობიდან, ასევე კომპანიის სპეციფიკური გამოწვევებიდან. კვლევის ჩანაწერში, სადაც რეიტინგის დაქვეითება და მიზნობრივი ფასის შემცირება დეტალურად არის აღწერილი, ანალიტიკოსი წერს რომ „ბაზრის პირობების შემდგომი გაუარესება, ხარჯების ზრდა და ფულადი სახსრების „წვა“ არის ის, რაც მნიშვნელოვნად ამცირებს Carvana-ს პოტენციალს“.
ახლა რა?
ბაშამის თქმით, Carvana-ს მომავლის კიდევ ერთი წითელი დროშა მისი მერყევი ფინანსებია. მაისში KAR Global-ისგან Adesa-ს ავტო აუქციონის ბიზნესის შეძენის გამო, კომპანიას $336 მილიონის მოცულობით დამატებითი წლიური საპროცენტო ხარჯები დაემატა.
ანალიტიკოსი თვლის, რომ Carvana-ს, პრობლემების მოსაგვარებლად, დამატებითი ლიკვიდურობის მოძიება დასჭირდება და ყველაზე მოსახერხებელი სტიმული კაპიტალის გაზრდაა.
