რა მოხდა?
პარასკევს Atkore-ის (კომპანია, რომელიც აწარმოებს და ყიდის ელექტრო, უსაფრთხოებისა და ინფრასტრუქტურის პროდუქტებს) აქციების ფასი მას შემდეგ გაიზარდა, რაც კომპანიამ მოსალოდნელზე უკეთესი მეოთხე კვარტლის შედეგები წარადგინა. 18 ნოემბერს, სავაჭრო დღის განმავლობაში, კომპანიის აქციების ფასი 15%-ით გაიზარდა.
და რა?
კომპანიის კორექტირებულმა EPS-მა (მოგება თითო აქციაზე) $5.52 შეადგინა, რაც წინა წლის ანალოგიურ კვარტალთან შედარებით დაახლოებით 26%-ით მეტია. ამ შედეგმა ანალიტიკოსების პროგნოზს — $5.08-ს, საკმაოდ დამაჯერებლად გადააჭარბა.
Atkore-ის შემოსავალმა ასევე აჯობა მოლოდინებს, კომპანიის კონსოლიდირებული შემოსავალი, წინა კვარტალთან შედარებით, 11%-ით გაიზარდა და $1 მილიარდს გადააჭარბა, ანალიტიკოსების პროგნოზი კი $981,8 მილიონი იყო.
„Atkore-მა ფისკალური 2022 წლისთვის რეკორდულ შედეგებს მიაღწია, რადგან, პორტფელის გაფართოებისა და მომხმარებლებისთვის დიფერენცირებული ღირებულების მიწოდების მიზნით, საკუთარი სტრატეგიული ინიციატივების წარმატებით განხორციელებას განვაგრძობთ”, — განაცხადა Atkore-ის აღმასრულებელმა დირექტორმა — ბილ უოლცმა პრესრელიზში.
მეოთხე კვარტლის ძლიერი შედეგების გარდა, მენეჯმენტმა წარადგინა მთელი მომავალი წლის პროგნოზი, რამაც ინვესტორები გაახარა.
კომპანიაში მოელიან, რომ 2023 წელს კორექტირებული EPS $13.10-$14.90 იქნება, ანალიტიკოსების პროგნოზი კი $13.31-ს შეადგენს.
ახლა რა?
მიუხედავად იმისა, რომ პერსპექტივა კარგი ჩანს, უოლცმა თქვა, რომ, შესაძლოა, ზოგიერთი საფასო ტენდენცია მომავალ წელს ნორმალიზდეს, რამაც შეიძლება Atkore-ის ბიზნესზე იქონიოს გავლენა.
„მოსალოდნელია, რომ ბოლო წლებში განვითარებული ძლიერი ფასების გარემო ფისკალურ 2023 წელს ნორმალიზდება, რაც წლის განმავლობაში კომპანიის შემოსავლისა და მოგების ხარისხზე იმოქმედებს“— თქვა უოლცმა.
თუმცა ძლიერი პროგნოზითა და მეოთხე კვარტლის მყარი შედეგებით, აშკარაა, რომ ინვესტორები Atkore-ის აქციების მიმართ ოპტიმისტურად არიან განწყობილნი
