რა მოხდა?
გუშინ ჩიპების მწარმოებელი ვეტერანი კომპანიის — American Micro Devices-ის (AMD) აქციების ფასი 6%-ზე მეტით გაიზარდა მას შემდეგ, რაც მასთან დაკავშირებული მედია ანგარიში გამოქვეყნდა. ცნობილი გახდა, რომ AMD-მ იპოვა ძლიერი პარტნიორი, რომელიც მას AI ჩიპების წარმოებაში დაეხმარება.
და რა?
გუშინ Bloomberg-მა დაწერა, რომ AMD, AI ჩიპების წარმოების მიზნით, Microsoft-თან ერთიანდება. სტატიის წყაროების თანახმად, AMD-მ და Microsoft-მა გააერთიანეს ძალები, რათა მაღალი AI შესაძლებლობების მქონე ჩიპები შეიმუშაონ.
ტექნოლოგიური გიგანტი ფინანსურ მხარდაჭერას უწევს ჩიპების მწარმოებელს და ორი კომპანია მუშაობს Microsoft-ის პროცესორზე, რომელიც სპეციალურად ხელოვნური ინტელექტის შესაძლებლობებისთვის არის შექმნილი. მისი კოდური სახელია “Athena”.
Microsoft ბოლო დროს ხელოვნური ინტელექტის განვითარების წინა პლანზეა თავისი $10 მილიარდიანი ინვესტიციით OpenAI-ში, რომელიც პოპულარული ChatGPT ჩეთბოტის შემქმნელია. AI სფეროსადმი ინტერესის ამ დონის გათვალისწინებით, გასაკვირი არ არის, რომ Microsoft კაპიტალს მოწყობილობების მიმართულებითაც ხარჯავს.
ახლა რა?
არც AMD-ის და არც Microsoft-ის წარმომადგენლებს ჯერ არ გაუკეთებიათ ოფიციალური კომენტარი Bloomberg-ის მიერ გამოქვეყნებულ ინფორმაციასთან დაკავშირებით. გარდა ამისა, სტატიაში არ არის მითითებული, თუ რა მოცულობის ინვესტიციას ახორციელებს Microsoft ამ თანამშრომლობისთვის.
