ბოლო ორი ათწლეულის განმავლობაში Amazon-მა ელექტრონული კომერციის უბადლო ბიზნესი შექმნა. ამავდროულად, კომპანიის მენეჯმენტი მუდმივად ატარებს ექსპერიმენტებს ახალი იდეების განსახორციელებლად. ერთ-ერთი ასეთი იდეა — Amazon Web Services (AWS) მნიშვნელოვნად გაიზარდა და გაყიდვების მიხედვით მსოფლიოში ყველაზე დიდი ქლაუდ გამოთვლითი ბიზნესი გახდა. AWS-თან ერთად Amazon ავითარებს რამდენიმე სხვა კონცეფციას, რომელიც უკვე წარმატებულია ან დანერგვის ეტაპზეა.
ამ მრავალფეროვანი ბიზნეს მოდელის გათვალისწინებით, არის თუ არა ელექტრონული კომერცია კვლავ მნიშვნელოვანი ამაზონის მთლიანი ბიზნესისთვის?
Amazon-ის ზრდის გასაღები
Amazon-ის ონლაინ მაღაზიები და მესამე მხარის გაყიდვები ერთიანობაში მისი ელექტრონული კომერციის სეგმენტს ქმნის. 2024 წლის პირველ კვარტალში ამ სეგმენტის გაყიდვებმა $89.3 მილიარდი, ანუ მთლიანი გაყიდვების — $143.3 მილიარდი — 62% შეადგინა. ელექტრონული კომერციის დამხმარე სერვისი, როგორიც არის გამოწერა (პრაიმ სერვისის წევრობა, ელექტრონული წიგნები და ციფრული მუსიკა) შეიძლება ჩაითვალოს ელექტრონული კომერციის ნაწილად, რაც მის წილს მთლიან გაყიდვებში 70%-მდე ზრდის.
მიუხედავად იმისა, რომ AWS და სხვა ბიზნესები უფრო მნიშვნელოვანი ხდება, Amazon-ისთვის ელექტრონული კომერცია რჩება მთავარ მიმართულებად მაღალი მარჟით. თუმცა ეს არ არის მოგების მთავარი და არც ყველაზე სწრაფად მზარდი წყარო.
2024 წლის პირველ კვარტალში AWS-ზე Amazon-ის საოპერაციო შემოსავლის 60%-ზე მეტი მოვიდა, მიუხედავად იმისა, რომ მან მთლიანი შემოსავლის მხოლოდ 17% შეადგინა. რეკლამირება Amazon-ის ყველაზე სწრაფად მზარდი სეგმენტია. პირველ კვარტალში მან გაყიდვებში 8%-იანი წვლილი შეიტანა, მაგრამ ის წლიურად 24%-ით გაიზარდა.
როგორც ხედავთ, Amazon-ის ფულის უმეტეს ნაწილს ელექტრონული კომერციის ბიზნესის საშუალებით გამოიმუშავებს და ინვესტიციებს ახორციელებს მის ეფექტიანობასა და მომგებიანობაში. გასული წლის განმავლობაში ამაზონმა შეცვალა პროდუქტის შენახვის მოდელი — კომპანიამ აშშ-ის მასშტაბით თავისი სასაწყობო ქსელი რეგიონებად დაყო, რაც ხელს უწყობს უფრო სწრაფ მიწოდებას.
გარდა ამისა, Amazon შემოსავალს მომავალი მზარდი სეგმენტის დასაფინანსებლად იყენებს. წარსულში, ეს იყო AWS. ამჟამად ის არის მანქანა, რომელსაც მოგება მოაქვს, ხოლო მზარდი სეგმენტის ადგილზე რეკლამირებამ გადაინაცვლა. Amazon-ის „სხვა“ კატეგორიაში შედის მისი ახალი და მცირე ბიზნესები.
როგორ აფასებენ ანალიტიკოსები Amazon-ის აქციებს?
Amazon-ის აქციების ამჟამინდელი ფასი $175.00-ს შეადგენს. კომპანიას ამ ეტაპზე 42 ანალიტიკოსი აფასებს და აქციებს ყველა მათგანი ყიდვის რეკომენდაციას ანიჭებს. საშუალო სამიზნე ფასი $213.74-ს შეადგენს, მაქსიმალური პროგნოზი — $235.00-ს, ხოლო მინიმალური — $200.00-ს. საშუალო სამიზნე ფასი Amazon-ის აქციების ამჟამინდელი ფასიდან დაახლოებით 22%-იან ზრდას გულისხმობს.
Amazon-ის აქციების შეძენა საქართველოს ბანკის მობილბანკში შეგიძლიათ ბმულზე.
