რეი დალიო ცნობილი ამერიკელი ინვესტორია, რომელმაც ინვესტირება სულ რაღაც 12 წლის ასაკში დაიწყო და ამ სფეროში დიდ წარმატებას მიაღწია. ინვესტიციებისადმი გამჭრიახმა მიდგომამ მას ფინანსურ ინდუსტრიაში დიდი აღიარება მოუტანა. რეის საინვესტიციო პრინციპები სიღრმისეულ კვლევას, გადაწყვეტილების მიღების დისციპლინირებულ პროცესს და ეკონომიკურ ციკლებზე ფოკუსირებას ეფუძნება.
როგორც მსოფლიოში ერთ-ერთი უმსხვილესი ჰეჯ-ფონდის — Bridgewater Associates-ის დამფუძნებელს, რეის საკმაოდ დიდი ცოდნა დაუგროვდა, რომელსაც იგი დროდადრო საზოგადოებას უზიარებს. დღევანდელ სტატიაში კი შემოგთავაზებთ 4 ღირებულ რჩევას, რომელიც რეი დალიოს საინვესტიციო სიბრძნიდან გამომდინარეობს.
- მიმართეთ დივერსიფიკაციას
რეი დალიოს მტკიცედ სჯერა დივერსიფიკაციის, როგორც რისკის მართვის ინსტრუმენტის. ის მხარს უჭერს ფულის დაბანდებას ინვესტიციებში სხვადასხვა აქტივთა კლასის, გეოგრაფიისა და ინდუსტრიის მიხედვით. დივერსიფიკაციის საშუალებით შეგიძლიათ, შეამციროთ ნებისმიერი ინვესტიციის არასასურველი წარმადობის გავლენა თქვენს მთლიან საინვესტიციო პორტფელზე. ეს მიდგომა ასევე საშუალებას გაძლევთ, ისარგებლოთ მრავალი სხვადასხვა სექტორის პოტენციური ზრდით.
- გაიაზრეთ ეკონომიკური ციკლები
დალიო ხაზს უსვამს, ინფორმირებული საინვესტიციო გადაწყვეტილებების მისაღებად, ეკონომიკური ციკლების გააზრებას მნიშვნელობას. ეკონომიკურმა ციკლებმა, რომლებიც ხასიათდება გაფართოებისა და შეკუმშვის პერიოდებით, შეიძლება მნიშვნელოვნად იმოქმედოს აქტივების სხვადასხვა კლასის წარმადობაზე. ისტორიული შაბლონებისა და ინდიკატორების შესწავლით, ინვესტორებს შეუძლიათ ხელსაყრელი შესაძლებლობების იდენტიფიცირება და საინვესტიციო პორტფელების შესაბამისად კორექტირება.
- იყავით პრაგმატული და მოქნილი
დალიო ინვესტორებს მოუწოდებს, თავიანთ მიდგომებში პრაგმატულები და, ამავდროულად, მოქნილნი იყვნენ. იგი გვთავაზობს მიუკერძოებლობის შენარჩუნებას და, საჭიროების შემთხვევაში, საკუთარი სტრატეგიის კორექტირების უნარის ქონას. წარმატებულმა ინვესტორებმა მუდმივად უნდა შეაფასონ თავიანთი ვარაუდები და შეცვალონ კურსი, თუ ეს აუცილებელია. მოქნილობისა და ახალი ცოდნის მიღების სურვილის შენარჩუნებით შეძლებთ, უკეთესი საინვესტიციო გადაწყვეტილებები მიიღოთ.
- მართეთ ემოციები
რეი დალიო ხაზს უსვამს საინვესტიციო გადაწყვეტილების მიღების პროცესში ემოციების მართვის აუცილებლობას. შიში და სიხარბე გავრცელებული ემოციებია, რომლებმაც შეიძლება ინვესტორი შეცდომაში შეიყვანოს და მისი გრძელვადიანი სტრატეგია დააზარალოს. დისციპლინის შენარჩუნებით და თქვენს საინვესტიციო მიზნებზე ფოკუსირებით, შეგიძლიათ, თავიდან აიცილოთ იმპულსური გადაწყვეტილებები, რომლებიც ბაზრის მოკლევადიანი რყევებით არის გამოწვეული. რაციონალური აზროვნების განვითარებამ და კარგად ჩამოყალიბებული საინვესტიციო გეგმის დაცვამ შეიძლება თქვენი ფინანსური წარმატების შანსი მნიშვნელოვნად გაზარდოს.
ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა, გამოიწვიოს არსებითი დანაკარგები, ისევე როგორც – მოგება. ამიტომ, დეტალურად უნდა გააანალიზოთ, რამდენად მისაღებია ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა, აიღოთ თანხის დაკარგვის მაღალი რისკი. ვაჭრობის/ინვესტირების განხორციელება არანაირი ფორმით არ უზრუნველყოფს მოგებას.
