2021 წელი რომ შევაჯამოთ, ის საკმაოდ დატვირთული გამოდგა. მიუხედავად იმისა, რომ ვერ შეედრება 2020 წლის პანდემიურ მდგომარეობას, ის მაინც სავსე იყო ისეთი მოვლენებით, როგორებიცაა:
- დიდი ხნის ლოდინის მერე COVID-19-ის ვაქცინების გავრცელება
- მიწოდების პრობლემები და ნახევარგამტარების დეფიციტი
- ეკონომიკის სტიმულიზაციაზე დახარჯული რეკორდული თანხები და მთავრობების მიერ ვალის დაგროვება მთელ მსოფლიოში
- Delta და Omicron შტამები
- დიდი პოლიტიკური არეულობები
- ინფლაციების მზარდი მტკიცებულებები
გადავხედოთ, რომელი სექტორები იყვნენ გასულ წელს მოწინავე პოზიციაზე და ვინ ვერ გაუძლო ცვლილებებს.
დავიწყოთ გამარჯვებულებით
1. დიდი ტექკომპანიები
გასაკვირი არ არის ამ სახელის აღნიშნულ სიაში ხილვა, რადგან 2021 წელს, Alphabet გაიზარდა 65%-ით და მიაღწია $2 ტრილიონ დოლარს. Microsoft-მა წელი დაასრულა 51%-ით, Apple-მა 34%-ით და Meta Platforms-მაც კი ორნიშნა მოგება გამოაქვეყნა. მხოლოდ ამაზონს ჰქონდა ერთნიშნა მოგება ამ კომპანიებიდან.
2. ნახევარგამტარები
მათ, ვინც ნახევარგამტარებს აწარმოებენ, ყველაზე მეტად ისარგებლეს მათი დეფიციტით. მაგალითად, Nvidia-ამ გააორმაგა აქციები, 125%-იანი ზრდით. სხვა ნახევაგამტარული აღჭურვილობის კომპანიებმა, ASML და Applied Materials 60%-იან მოგებაზე გავიდა.
3. ნავთობისა და გაზის ტექნოლოგიები
2020 წელმა თავისი კვალი არც ისე კარგად დაატყო ნავთობის ფასს და ზოგადად, ამ ბიზნესს, თუმცა გასული წელი ენერგეტიკის ინდუსტრიაში მყოფთათვის გაცილებით სასიამოვნო გამოდგა. WTI-ის ფასი წლის დასაწყისში $50 იყო, მაგრამ წლის ბოლოს $75-ზე ავიდა.
4. უძრავი ქონება
ბოლო ათწლეულის მანძილზე, უძრავი ქონების სექტორს ყველაზე დიდი მოგება ჰქონდა, რომლის მაგალითიც FTSE Nareit All Equity REIT არის. მან 1976 წლის მერე საუკეთესო მაჩვენებელს მიაღწია. ასევე, აღსანიშნავია, Extra Space Storage-მა, რომელიც თვითშემნახავ ერთეულებზე ახდენს ინვესტიციებს, 96%-ით დაასრულა წელი, რაც შესანიშნავია.
5. აქტივების მენეჯმენტი
მიუხედავად COVID-19-ისა და დაბალი საპროცენტო განაკვეთებისა, ეს სექტორი იმედისმომცემ შედეგებზე გავიდა. აქტივების მართვის მიმართულებით, შეგვიძლია 2 კომპანია გამოვყოთ: Blackstone და KKR, რომლებმაც აჩვენეს უპირატესობა და მოგებაც გაზარდეს 99 და 84%-ებით.
დამარცხებულები
1. ძვირფასი ლითონის მწარმოებლები
ინფლაციამ 2021 წელს მოიმატა და ძვირფასი ლითონის მწარმოებლებზეც აისახა. ოქრომაც და ვერცხლმაც უარყოფითი შედეგებით დაასრულეს წელი, რამაც მწარმოებლებზე, რა თქმა უნდა, ცუდად იმოქმედა.
2. ჩინური ინტერნეტ კომერცია
პეკინის მიერ შიდა ტექსექტორზე ზემოქმედებამ, უარყოფითი გავლენა იქონია ისეთ ინტერნეტ კომერციის კომპანიებზე, როგორებიცაა: Pinduoduo, Alibaba, Baidu და JD.com. მათ სერიოზული კოლაფსი განიცადეს. აქედან Pinduoduo-მ, რომელიც სოფლის მეურნეობაზე ორიენტირებულ პლატფორმად გვევლინება, ყველაზე ცუდი შედეგი ნახა, 67%-ზე მეტით დაეცა.
3. მზის დანადგარების კომპანიები
მზის დანადგარების ისეთმა დიდმა კომპანიამ აშშ–ში, როგორიცაა Sunrun გასულ წელს 51%-იანი კლება დააფიქსირა საფონდო ბირჟაზე.
4. ინტერნეტის კონტენტი და ინფორმაციები
მიუხედავად იმისა, რომ მაღალი ტექნოლოგიები ზრდას განაგრძობდა, ტექნიკური უზრუნლვეყოფის კონტენტისა და საინფორმაციო ტექნოლოგიების კომპანიებმა მკაცრი შედეგები იწვნიეს. ამის ერთ–ერთი მაგალითია Zillow, რომელმაც აქციები 54%-ით შეამცირა და თანამშრომლების მეოთხედი დაითხოვა.
5. კრედიტები
არც ისე კარგი წელი იყო ისეთი დიდი საკრედიტო ბარათების კომპანიებისათვის, როგორებიც Visa და Mastercard-ია. PayPal-ის აქციები კი 19%-ით დაეცა.
წყარო: www.visualcapitalist.com
