გლობალური საფონდო ბიზრები მკვეთრად დაეცა უკრაინაში სამხედრო კონფლიქტის საფრთხის მიზეზით, რის გამოც დიდი ბრიტანეთის ე.წ. ბლუჩიპების აქციების ინდექსის 53 მილიარდი ფუნტი განადგურდა.
ევროპული ბაზრები 3,8%-ით დაეცა, რაც ოქტომბრის შემდეგ ყველაზე დაბალ მაჩვენებელს უდრის. ეს გამოიწვია ნატოს განცხადებამ, რომ აძლიერებს აღმოსავლეთ საზღვრებს სახმელეთო, საზღვაო და საჰაერო ძალებით, რადგან უკრაინაში რუსეთის შეჭრის საფრთხე ნათლად ჩანდა.
არასტაბილურობა გაზარდა იმანაც, რომ ინვესტორებს ეშინოდათ, რომ აშშ-ის ცენტრალური ბანკი გაზრდის საპროცენტო განაკვეთებს მას შემდეგ, რაც აშშ-ში ინფლაციამ დეკემბერში 40 წლის მაქსიმუმს, 7%-ს მიაღწია.
ლონდონში 2,6%-ით დაეცა FTSE 100-ის ნიშნული, რაც ბოლო 2 თვის განმავლობაში ყველაზე დიდი ვარდნაა. ბორის ჯონსონმა განაცხადა, რომ შესაძლოა ომი დაწყებულიყო, თუმცა ეს გარდაუვალი არ არის. ბლუჩიპის ინდექსმა 197 ქულა დაკარგა.
სტატისტიკურად ყველაზე უარესი მაჩვენებელი საგანმანათლებლო გამოცემა Pearson-ს ჰქონდა, რომლის ინდექსიც 9%-ითაა შემცირებული; რუსული ფოლადის მწარმოებელი Evraz კი 8%-ით დაეცა; ასევე კლება დაიწყო მაღაროელების, ენერგომწარმოებლების, ტურისტული ფირმებისა და სამშენებლოების ინდექსებმა.
რაც შეეხება ნიუ იორკის საფონდო ბირჟებს, S&P 500 ინდექსი 3%-ით შემცირდა, რაც მის რეკორდულ მაჩვენებელზე 10%-ით დაბალია.
ინვესტორებმა დაიწყეს ისეთ აქტივებზე თავის შეფარება, როგორებიცაა აშშ დოლარი და შვეიცარიული ფრანკი, რომელმაც ევროსთან მიმართებაში ექვსწლიან მაქსიმუმს მიაღწია. თავის მხრივ, რისკის მქონე აქტივების გაყიდვამ კრიპტოვალუტები დააზარალა, ბიტკოინი დაეცა 6-თვიან მინიმუმამდე, რაც $33,000-ს უდრის. Fed-მა კი, რომელიც ამ კვირაში შეიკრიბება, შესაძლოა ბალანსის შემცირება დაიწყოს, რათა ამოიღონ კოვიდის პანდემიის დაწყების შემდეგ წარმოქმნილი სტიმულები.
დევიდ მადენმა, Equiti Capital-ის ბაზრის ანალიტიკოსმა განაცხადა, რომ ტრეიდერები აქტიურად აგრძელებენ გაყიდვებს, რადგან რუსეთ-უკრაინის სიტუაციის გამო შიშები სულ უფრო იმატებს. ამასთან, ამბობენ, რომ ფედერალური სარეზერვო სისტემა შუა კვირაში უსიამოვნო განახლებებს გამოაქვეყნებს.
ფიონა ცინკოტამ, ფინანსური ბაზრების უფროსმა ანალიტიკოსმა დაწერა, რომ Nasdaq კვლავ ამცირებს გადასახადებს, რაც კიდევ უფრო აორმაგებს ამ აურზაურს.
ამ მოვლენებთან ერთად, საელჩოს წარმომადგენლები კიევიდან გაიყვანეს, რადგან არსებობს რუსეთის მიერ უკრაინაში ჯარების შეყვანის საფრთხე. გასულ კვირას რუსეთსა და აშშ-ს შორის მოლაპარაკებები მიმდინარეობდა, თუმცა გამოსავალი მაინც ვერ მოიძებნა. ომის საფრთხე ობლიგაციების ფასების ზრდას უფრო აჩქარებს.
მოსკოვის საფონდო ბირჟაზე დიდი გაყიდვები მიმდინარეობდა. რუსული კომპანიების Moex ინდექსი თითქმის 6%-ით დაეცა, რაც ყველაზე დაბალი დონეა 2020 წლის დეკემბრის შემდეგ, 2022 წელს ზარალი თითქმის 15%-მდე აიწია.
რუსეთის ბანკმა განაცხადა, რომ ის აჩერებს უცხოური ვალუტის შესყიდვებს. თავად რუბლიც 2,5%-ით არის შემცირებული. უცხოური ვალუტების შესყიდვების შეჩერება კი შეამცირებს ზეწოლას რუბლზე.
დიდი ბრიტანეთის საშუალო ზომის კომპანიების FTSE 250 ინდექსი დაეცა 3,6%-ით და მიაღწია ყველაზე დაბალ დონეს 2021 წლის მარტის შემდეგ. კიბერუსაფრთხოების ფირმა Darktrace დაეცა 14,6%-ით, გაზეთის გამომცემელი Reach 11%-ით, ხოლო კინოთეატრების ქსელი Cineworld და ძვირადღირებული მანქანების მწარმოებელი Aston Martin 8,7%-ით დაეცა.
გაზის ფასები გაიზარდა, გაერთიანებული სამეფოს გაზის საბითუმო დღიური ფასი 17%-ით გაიზარდა, იმის გამო, რომ რუსეთის მიერ ევროპისთვის ენერგორესურსების მიწოდება შეიძლება შეფერხდეს.
ასევე, უნდა ვახსენოთ ომიკრონი და მისი გავლენაც, რომელმაც შეანელა გლობალური აღმასვლა. კერძო სექტორის ზრდამ ევროზონასა და ბრიტანეთში ყველაზე დაბალი მაჩვენებელი წარმოადგინა ბოლო 11 თვეში, ხოლო აშშ-ში, ბოლო 18 თვის განმავლობაში, ბიზნეს აქტივობის ყველაზე ნელი მაჩვენებელია.
წყარო: theguardian
