კვარტალური ანგარიშების სეზონი ამ კვირაში დაიწყო და ერთ-ერთი პირველი კომპანია, რომელმაც ფინანსური მაჩვენებლები წარადგინა PepsiCo იყო. მისი ფინანსური შედეგები საკმაოდ კარგი იყო, მაგრამ ერთმა აქციამ უფრო უკეთესი წარმადობა დააფიქსირა.
PepsiCo
სამშაბათ [12 ივლისი] დილით PepsiCo-ს აქციების ფასი 1%-ზე მეტით გაიზარდა. როგორც ჩანს, ინვესტორები მეორე კვარტლის შედეგებით საკმაოდ კმაყოფილები იყვნენ.
მეორე კვარტალში PepsiCo-მ შემოსავლების 5.2%-იანი ზრდა განიცადა, რის შედეგადაც დაძლია აშშ დოლარის მყარი კურსის უარყოფითი გავლენა, რომელმაც კომპანიას გაყიდვების ზრდის დაახლოებით 3 პროცენტული პუნქტი წაართვა. კორექტირებულ საფუძველზე ძირითადმა მოგებამ ერთ აქციაზე (EPS) $1.86 შეადგინა, რაც წინა წლის იმავე პერიოდთან შედარებით 10%-ით მეტია.
უფრო მეტიც, წლის დარჩენილი პერიოდისთვის PepsiCo-ს წარმომადგენლები უფრო ძლიერ ზრდას მოელიან. კომპანიამ ფისკალური 2022 წლისთვის ორგანული შემოსავლების ზრდის პროგნოზები 2 პროცენტული პუნქტით – 10%-მდე გაზარდა. მენეჯმენტი კვლავ პროგნოზირებს EPS-ის 8%-იან ზრდას, ამასთან, კომპანია გააგრძელებს დივიდენდების გადახდას და აქციების გამოსყიდვას.
ინვესტორები დარწმუნებულები არ იყვნენ, თუ რას ელოდნენ PepsiCo-სგან, ამიტომ მათ სიახლეები დადებითად მიიღეს. ახალ საინტერესოა, თუ რამდენად კარგად განაგრძობს კომპანია მუშაობას 2022 წლის დარჩენილი პერიოდის მანძილზე.
Canoo
სამშაბათ [12 ივლისი] დილით ყველაზე დიდი ზრდა Canoo-მ დააფიქსირა. ელექტრომობილების (EV) სპეციალისტმა მნიშვნელოვანი მომხმარებელი შეიძინა, რამაც წინასაბაზრო ვაჭრობაში კომპანიის აქციების ფასი 75%-ზე მეტით გაზარდა.
Walmart-ის წარმომადგენლებმა განაცხადეს, რომ Canoo-ს 4500 ელექტრო მიწოდების მანქანას შეიძენს. Walmart-ს ექნება შესაძლებლობა, რომ 10,000-მდე ერთეული შეიძინოს.
Canoo და Walmart არ მოელიან, რომ Lifestyle Delivery Vehicle (LDV) მაგისტრალებზე მომავალ წლამდე გამოჩნდება. თუმცა, წინასწარი მიწოდება მოსალოდნელია Dallas-Fort Worth-ის რაიონში, რაც ამ ორ კომპანიას თანამშრომლობის დეტალების დასრულებაში დაეხმარება.
EV კომპანიები ბიზნესს სასტიკ კონკურენციას უწევენ, ამიტომ ისეთი ცნობილი მყიდველის მოპოვება, როგორიც არის Walmart, Canoo-სთვის ძალიან მნიშვნელოვანია. მიუხედავად ამ ყველაფრისა, აქციები კვლავ მკვეთრად არის დაცემული იმ ფასიდან, რომელიც გასული ორი წლის განმავლობაში ფიქსირდებოდა, ამიტომ ინვესტორებს სურთ კიდევ უფრო მეტი ზრდა დაინახონ, სანამ ისინი Canoo-ს ნათელ მომავალში სრულიად დარწმუნდებიან.
