რა არის წინასაბაზრო ვაჭრობა ?
ბირჟებზე რეგულარულ ვაჭრობამდე პერიოდს წინასაბაზრო ვაჭრობა ქვია, (Pre-Market Trading) ეს ადრიანი დილაა და ძირითად შემთხვევაში 8:00-დან 9:30-მდე პერიოდს მოიცავს. NYSE (New York Stock Exchange) შემთხვევაში კი ეს გამთენიის 4:00-დან 9:30-მდე პერიოდია.
რაში შეიძლება გამოვიყენოთ ის ?
ამ დროს ინვესტორები და ტრეიდერები აკვირდებიან ცვალებად მიმართულებებს, კონკრეტულად კი იმას თუ რომელმა კომპანიამ რა ცვლილება დააფიქსირა და რის საფუძველზე, ეს რეგულარული ვაჭრობისათვის კარგი შემზადების შესაძლებლობაა.
27 დეკემბრის წინასაბაზრო ვაჭრობის შედეგები
რა მოხდა ავიაკომპანიებისა და საკრუიზო ხაზების შემთხვევაში ?
ბაზარზე, დიდი მოთამაშეებისათვის წინასაბაზრო ვაჭრობა აქციების ფასის კლებით დაიწყო, მიზეზი შაბათ–კვირას გაზრდილი რაოდებით გაუქმებული ან გადადებული ათასობით რეისი აღმოჩნდა. მიმოსვლის შეფერხების მიზეზი კი Covid-19-ის ახალი შტამი და პერსონალში მისი აქტიური გავრცელება გახდა. United Airlines-ის (UAL) აქციის ფასმა დაიკლო 1.8%-ით, American Airlines-ის (AAL) აქციის ფასი შემცირდა 1.4%-ით, Delta Air Lines (DAL) 1%, ხოლო Southwest (LUV) 1.5%.შემცირდა საკრუიზო ხაზის აქციების ფასებიც, გასულ კვირას Covid-19-ის სამი აფეთქების შემდეგ, აღნიშნული მაღალი გავრცელება რასაც ჩვენ აფეთქებას ვეძახით Carnival-სა (CCL) და Royal Caribbean-ს (RCL) საკრუიზო ხომალდებზე მოხდა. შედეგად Carnival-ის აქციის ფასმა წინასაბაზრო ვაჭრობისას 2,2%-ით, ხოლო Royal Caribbean-ს აქციებმა 1,9%-ით დაიკლო, ცვლილება შეეხო Norwegian Cruise Line Holdings-საც, აქ შემხირება (NCLH) 1,6% არის.
სხვა სექტორების შედეგები
GoDaddy (GDDY) – კომპანიის აქციებმა წინასაბაზრო ვაჭრობიას 3.9%- ზრდა აჩვენა, ეს კი მას მერე მოხდა რაც Wall Street Journal-მა გაავრცელა ინფორმაცია, საინვესტიციო ფონდ Starboard Value-ის ახალ ინვესტირებასთან დაკავავშირებით, ფონდმა კომპანიის 6.5%-იანი წილი შეიძინა.
Apple (AAPL) – ნიდერლანდების მთავარმა მარეგულირებელმა განაცხადა რომ კომპანიამ დაარღვია ქვეყანაში არსებული კონკურენციის კანონები და სერვისების შეუზღუდავად გასაგრძელებლად Apple-ს App Store-ის გადახდის პოლიტიკაში ცვლილებების განხორციელება მოუწევს. განცხადების მიზეზი შემდეგი იყო: კომპანიამ ცვლილებები განახორციელა აპლიკაციის დეველოპერთა გადახდის პირობებში, რაც თანამონაწილეობის(საკომისიოს) სპრედის 15%-დან 30%-მდე გაზრდას გულისხმობს. Apple-მა განაცხადა, რომ გადაწყვეტილება მიუღებელია და აუცილებლად გასაჩივრებს. აღნიშნულს აქციათა ფასზე მყისიერი გავლენა არ მოუხდენია.
Cigna (CI) – სადაზღვევო კომპანია Cigna-ს ხელახლა მოუწევს წარადგინოს 2021 და 2022 წლების არსებული და პოტენციური მომგებიანობის შედეგები, აღნიშნული კი მომავალ ინვესტორთა შეხვედრაზე მოხდება, ასე განაცხადა SEC-მა. განცხადებაში საუბარია რომ აქციაზე კორექტირებული მოგება მინიმუმ 20,35 აშშ დოლარი უნდა იყოს რაც დაპროგნოზებულს აღემატება, ხოლო 2022 წლისთვის პროგნოზირებული ზრდა მინიმუმ 10%. განცხადების გავრცელებისთანავე დაიწყო კომპანიის აქციებზე ფასის მატება, თუმცა რეალური შედეგი ინვესტორებთან შეხვედრის შემდეგ გახდება ცნობილი.
Moderna (MRNA) – Financial Times-ის მოხსენების თანახმად, წამლის მწარმოებელი კომპანია ეწინააღმდეგება აქციონერთა სურვილს, რომ კომპანიამ გააზიაროს ვაქცინის ტექნოლოგია ღარიბი ქვეყნებისთვის. აქციონერები ასევე მოუწოდებენ კომპანიას ახსნას, მთავრობის მიერ მიღებული ფინანსური მხარდაჭერის მიუხედავად რატომ არის ვაქცინის ფასები ასე მაღალი. აღნიშნულმა განცხადებამ და კითხვებმა წინასაბაზრო ვაჭრობისას 2%-იანი კლება გვანახა.
Avis Budget (CAR) – ავტომობილების გაქირავების კომპანიის აქციებმა წინასაბაზრო ვაჭრობისას 2,6%-იანი ზრდა დააფიქსირა, ეს კი ხუთშაბათის 3,2%-იანი ზრდის შემდეგ მოხდა. ტურისტული ფირმა „Kayak“ მიხედვით, დღიურად გაქირავების საშუალო ფასი 81 დოლარს შეადგენს დღეში. ეს კი 31%-ით მეტია ერთი წლის წინანდელ შედეგთან შედარებით.
Didi Global (DIDI) – კომპანიის აქციების ფასი 1.3%-ით დაეცა მას შემდეგ, რაც Financial Times-მა გაავრცელა ინფორმაცია, რომ ჩინეთში დაფუძნებული სამგზავრო კომპანია ზღუდავს თანამშრომლებს და მათ საკუთრებაში არსებული აქციების გაყიდვას და თან განუსაზღვრელი ვადით. ამას შეიძლება მოყვეს შემდეგი ნაბიჯი შეერთებულ შტატებში დელისტინგის (საფონდო ბირჟის ოფიციალური რეესტრიდან ამოღების) შესახებ.
