მეტავერსი და მისი პოტენციალი ინვესტორებსა და ტექნოლოგიურ ენთუზიასტებს შორის ძალიან პოპულარული განხილვის საგანი გახდა. უძრავი ქონების ინვესტორებისთვის მეტავერსი ნიშნავს შანსს, ფეხი შედგან სარისკო, მაგრამ პოტენციურად ძალიან მომგებიანი ინვესტიციების პირველ საფეხურზე.
იმავდროულად თქვენ შეგიძლიათ მიიღოთ პასიური შემოსავალი მეტავერსული უძრავი ქონების საშუალებით. ამ სტატიაში კი გაიგებთ, როგორ.
- გახდით მეტავერსის მემამულე
მიუხედავად იმისა, რომ მიწათმფლობელობა ნებისმიერ ადგილას ან დროს შეიძლება იყოს რთული, მეტავერსის მემამულეები, როგორც წესი, მუშაობენ მცირე და საშუალო ბიზნესებთან (ზოგჯერ ძალიან დიდ კორპორაციებთან) და არა ინდივიდებთან. მაგალითად, თქვენს სახლზე მიმაგრებული საცხოვრებლის გაქირავების ნაცვლად, აქირავებთ ვირტუალურ შენობას.
თქვენ ხშირად არც კი გჭირდებათ სტრუქტურა, თუმცა მისი არსებობა კონკრეტული ტიპის მოიჯარეების მოზიდვაში დაგეხმარებათ. ბევრი პოტენციური მოიჯარე ამჯობინებს თან წამოიღოს საკუთარი შენობები და ნამუშევრები. თქვენი სამუშაო მხოლოდ იმის უზრუნველყოფა იქნება, რომ მათ თავიანთი პროექტისთვის, მეტავერსის პლატფორმაში სწორი ადგილმდებარეობა ჰქონდეთ.
გაქირავების მსხვილი კომპანიები ფლობენ მიწებს ბევრ პლატფორმაზე, მათ შორის Decentraland-ზე და Sandbox-ზე. მათი ამოცანაა გაიგონ განსხვავებები მეტავერსის პლატფორმებს შორის და განსაზღვრონ, თუ რა სარგებლის მოტანა შეუძლია თითოეულს მომხმარებლისთვის. მაგრამ დაქირავების შემდეგ, თქვენ მხოლოდ ქვითრების შეგროვება გევალებათ, ზოგადად თქვენ მიმართ არ არსებობს ტექნიკური მომსახურების ან სხვა მოთხოვნები.
- ბილბორდების აგება
მეტავერსის მემამულეობასთან ერთად, შეიძლება მეტავერსის ბილბორდების ან კიოსკების ფლობა. რაც უფრო მეტ ბილბორდს ააწყობთ, მით უფრო მეტი იქნება მათი გაქირავების შანსი, განსაკუთრებით, თუ მათ ბევრ პლატფორმაზე განათავსებთ.
თქვენ მიერ არჩეული პლატფორმა განსაზღვრავს იმ მიწის ნაკვეთის ყველაზე მნიშვნელოვან მახასიათებლებს, რომელიც ბილბორდად ქცევისთვის არის განკუთვნილი. მაგალითად, Decentraland-ში მომხმარებლებს შეუძლიათ ერთი დაწკაპუნებით სასურველ ადგილას აღმოჩნდნენ ან ისეირნონ რუკის გადასწვრივ, რათა იპოვონ რაიმე ახალი. ამგვარად შექმნილ მეტავერსის პლატფორმებში, ბილბორდებს წარმატების გაცილებით მაღალი შანსი აქვს, როდესაც მათ პოპულარულ უბნებთან და გზებთან ახლოს განვათავსებთ, თუმცა ზუსტი ციფრების დადგენა რთულია, რადგან ამ დროისათვის ტრაფიკის გაზომვა მარტივი არ არის.
თქვენთვის, როგორც მეტავერსის ბილბორდების მფლობელისთვის ყველაზე რთული საქმეა ასეთი ადგილების პოვნა და მათი ბილბორდებისთვის მომზადება. მას შემდეგ, რაც შექმნით სოლიდურ ბილბორდს და მასზე მიანიშნებთ, თუ როგორ უნდა დაგიკავშირდეთ დაქირავების მსურველი, თქვენი ერთადერთი სამუშაო დროდადრო აბრების შეცვლა იქნება.
მეტავერსის პასიური შემოსავალი რეალურია
მეტავერსის საკუთრებიდან პასიური შემოსავლის მიღება, შეიძლება, ფანტაზიად გვეჩვენებოდეს, მაგრამ ეს რეალობაა მზარდი რაოდენობის ადამიანებისთვის, რომლებსაც სხვადასხვა სახის მეტავერსული უძრავი ქონების პასიური შემოსავლის მომტანი საკუთრებები გააჩნიათ. რამდენადაც ეს სივრცე პოპულარობას იძენს, უძრავი ქონების შეზღუდული ბუნება მხოლოდ გაზრდის პასიური შემოსავლის პოტენციალს, რადგან მეტი მიწა აღარ იქმნება, მეტავერსის ყველაზე პოპულარულ პლატფორმებზეც კი.
რა თქმა უნდა, შეგიძლიათ ამ ტენდენციას დაელოდოთ, მაგრამ ამით ბევრი შესაძლებლობის ხელიდან გაშვებას რისკავთ. როდესაც საკუთრებას პასიური შემოსავლის წყაროდ აქცევთ, თქვენ ყოველთვის შეგეძლებათ იქ უფრო აქტიური ბიზნესის გახსნა ან თუნდაც უძრავი ქონების გაყიდვა.
მოგება გარანტირებული არ არის, მაგრამ მიწის სიმცირე და მზარდი საზოგადოება, ამას უფრო სავარაუდოს ხდის.
