პარასკევს GameStop-ის აქციების ფასი თითქმის 20%-ით შემცირდა მას შემდეგ, რაც ვიდეო თამაშების კომპანიის მენეჯმენტმა დაახლოებით 45 მილიონი ახალი აქციის გამოშვების გეგმა დააანონსა და პირველი კვარტლისთვის მოსალოდნელზე სუსტი სავარაუდო მაჩვენებლები გამოაქვეყნა.
წლის დასაწყისიდან GameStop-ის აქციების ფასი დაახლოებით 32%-ით არის გაუმჯობესებული.
პარასკევს აშშ-ის ფასიანი ქაღალდებისა და ბირჟის კომისიაში (SEC) წარდგენილ დოკუმენტში ნაჩვენებია, რომ GameStop-ის მენეჯმენტი კომპანიის 45 მილიონამდე ჩვეულებრივი ახალი აქციის გაყიდვას გეგმავს. ამ გადაწყვეტილების სისრულეში მოყვანის შემდეგ, საფონდო ბირჟაზე GameStop-ის აქციების მთლიანი რაოდენობა 351.19 მილიონამდე გაიზრდება.
ვიდეო თამაშების კომპანიის მენეჯმენტმა განაცხადა, რომ გაყიდვიდან მიღებულ შემოსავალს გამოიყენებს ზოგადი კორპორატიული მიზნებისთვის, როგორებიც არის ინვესტიციები და შესყიდვები.
სუსტი პროგნოზები
გარდა ამისა, GameStop-ის მენეჯმენტმა პირველი კვარტლის წინასწარი შედეგები გამოაქვეყნა. კომპანიაში მოელიან, რომ გასული მეოთხედის შემოსავალი $872-$892 მილიონს მიაღწევს, რაც ჩამოუვარდება ანალიტიკოსების პროგნოზს — $1 მილიარდს. GameStop-ის მენეჯმენტი ასევე მოელის, რომ კომპანიის კვარტალური ზარალი $27-$37 მილიონს მიაღწევს. უოლ სტრიტის პროგნოზი კი $30.6 მილიონს შეადგენს.
მოსალოდნელია, რომ GameStop კვარტალურ ანგარიშს მომდევნო თვის დასაწყისში, 5 ივნისს გამოაქვეყნებს.
როგორ აფასებენ ანალიტიკოსები GameStop-ის აქციებს?
GameStop-ის აქციების ამჟამინდელი ფასი დაახლოებით $22.00-ს შეადგენს. ამ ეტაპზე კომპანიას უოლ სტრიტის მხოლოდ 1 ანალიტიკოსი აფასებს და იგი აქციებს გაყიდვის რეკომენდაციას ანიჭებს. მისი სამიზნე ფასი $7.00-ს შეადგენს, რაც GameStop-ის აქციების მიმდინარე ფასიდან დაახლოებით 68%-იან შემცირებას გულისხმობს.
GameStop-ის აქციების შეძენა საქართველოს ბანკის მობილბანკში შეგიძლიათ ბმულზე.
