Facebook-ის მშობელმა კომპანიამ, Meta-მ ოთხშაბათს თავისი მე-4 კვარტლის მოგება გამოაცხადა, რამაც არ გაამართლა ანალიტიკოსების მოლოდინები, რომლებიც თითო აქციაზე სხვანაირ შედეგს ელოდნენ, განსაკუთრებით, Apple-ის iOS-ის მხრიდან კონფიდენციალურობის ცვლილებების მუდმივი შეფერხებების ფონზე.
მნიშვნელოვანია, რომ Meta-ს 2022 წლის პირველი კვარტალის შემოსავალი მცირე იყო, კომპანიამ ის შეაფასა $27 მილიარდიდან 29 მილიარდ აშშ დოლარამდე მიმდინარე კვარტალში, რაც ნაკლებია ანალიტიკოსების მოლოდინის 30,25 მილიარდ აშშ დოლართან შედარებით. თუმცა, ანგარიშების მოხსენების შემდგომ, Meta-ს აქციები 22%-ით დაეცა.
კვარტალში პირველად Meta-მ გამოაცხადა, რომ ორიენტირებულია მეტავერსიის შექმნაზე და არა მხოლოდ სოციალური მედიის აპლიკაციების, როგორიცაა Facebook და Instagram მფლობელობაზე, მაგრამ დრო დასჭირდება თავისი მეტავერსიული შესაძლებლობების იმ დონემდე ამაღლებისთვის, სადაც მომხმარებლებს შეეძლებათ ერთმანეთთან უზარმაზარ ვირტუალურ სამყაროში ურთიერთობა, გაძლიერებული და ვირტუალური რეალობის ყურსასმენების საშუალებით.
აღმასრულებელმა დირექტორმა, მარკ ცუკერბერგმა ადრე გამოაცხადა, რომ კომპანიამ 10 მილიარდი დოლარი დახარჯა მეტავერსიულ ძალისხმევაზე 2021 წელს.
ახლო პერსპექტივაში მოსალოდნელია, რომ Meta კიდევ უფრო გაზრდის შესაძლებლობებს, რადგან Apple-მა კონფიდენციალურობის პოლიტიკაში ცვლილებები განახორციელა, კერძოდ, მომხმარებლებს მისცა საშუალება, უარი ეთქვათ აპების თვალყურის დევნების ფუნქციაზე, რითაც, ფაქტობრივად დაბლოკა Facebook და Snap, რომლებიც ამ ტიპის მონაცემებს იყენებენ რეკლამის განსათავსებლად ან პროდუქტის გასაყიდად.
Meta-ს ფინანსური დირექტორის, დევიდ ვენერის თქმით, iOS ეს ფუნქცია ზიანს აყენებს მეტას წინსვლას.
“ჩვენ როგორღაც გადავიტანთ იმ პერიოდს, როცა Apple-ის iOS-ის ცვლილებები არ იყო ძალაში და ველოდებით, რომ ახალი ნორმატივებისა და მოთხოვნების გამო, წინააღმდეგობა ჩვენს სამიზნე აუდიტორიასა და რეკლამაზე გარკვეულწილად გაიზრდება”, – აღნიშნავს ვენერი.
გარდა ზემოაღნიშნულისა, კომპანიას სხვა პრობლემებიც აქვს. მას კონკურენციას TikTok და Snap-იც უწევენ და რაც უფრო მთავარია, უნდა ებრძოლოს ფედერალური სავაჭრო კომისიის მიმდინარე ანტიმონოპოლიურ სარჩელს. ამ სარჩელში ნათქვამია, რომ მეტა ცდილობს წვრილი კონკურენტების შემცირებას.
საბოლოოდ, კომისიის მიზანია, დაყოს “მეტა” სხვადასხვა სოციალურ ქსელად და არ იყოს პლატფორმების გამაერთიანებელი, თუმცა ამ ფორმით ის დაკარგავს ადგილს, როგორც მსოფლიოში უდიდესი სოციალური მედიის კომპანია. ამის განხორციელებას წლები დასჭირდება, რადგან საეჭვოა, რომ სარჩელს მოკლე დროში განიხილავენ და გადაწყვეტილებაც არ იქნება მარტივი.
წყარო: finance.yahoo
