ობლიგაციების ბაზარი აწყდება რისკს, რომ ინფლაციის შეკავება, შესაძლოა, რთული აღმოჩნდეს.
სულ ახლახანს, ხუთწლიანმა ფორვარდულმა უზარალობამ (განსხვავება ფიქსირებული საპროცენტო განაკვეთის ინვესტიციის ნომინალურ შემოსავალსა და ანალოგიური ვადიანობისა და საკრედიტო ხარისხის, ინფლაციაზე მიბმული ინვესტიციის რეალურ შემოსავალს (ფიქსირებული სპრედი) შორის) 2014 წლის შემდეგ უმაღლეს დონეს მიაღწია, მხოლოდ რამდენიმე დღის შემდეგ, რაც 10-წლიანმა მაჩვენებელმა, ბლუმბერგის მიერ 1998 წლიდან მოკვლეულ მონაცემებს შორის რეკორდი დაამყარა.
BlackRock-ის საინვესტიციო ინსტიტუტის სტრატეგები, მათ შორის ალექს ბრაზიერი და ვეი ლი, ორშაბათის შენიშვნაში წერენ, რომ არსებობს საშუალოვადიან პერსპექტივაში ინფლაციური მოლოდინების გაუთვალისწინებლობის რისკი, რაც ცენტრალური ბანკების მიერ საპროცენტო განაკვეთების მკვეთრ ზრდას იწვევს. მათ დასძინეს, რომ ასეთ ინფლაციურ გარემოში უპირატესობას განვითარებული ქვეყნების აქციებს ანიჭებენ.
40 წლის განმავლობაში ყველაზე მაღალი ინფლაციისა და ენერგიის ფასების ზრდის პირობებში, ცენტრალურმა ბანკებმა შეიძლება ვერ შეძლონ „მრუდს უკან დარჩენა“ (ცენტრალური ბანკი არის “მრუდს უკან”, როდესაც ის არ ზრდის საპროცენტო განაკვეთებს საკმარისად სწრაფი ტემპით იმისთვის, რომ ინფლაციის მიზნობრივი დონე შეინარჩუნოს).
მოვაჭრეები ამ წელს, ფედერალური სარეზერვო სისტემისგან (FED) საპროცენტო განაკვეთების 7 ეტაპიან ზრდას ელიან, დაწყებული ოთხშაბათს, თითქმის დაზუსტებული, 25 საბაზისო პუნქტით მომატებით, რაც მრავალწლიანი კამპანიის დასაწყისი იქნება.
რუსეთის უკრაინაში შეჭრის არაპროგნოზირებადი კურსი და კოვიდ-19-ის მძვინვარება ჩინეთში, რომელიც ნედლი ნავთობის უმსხვილესი იმპორტიორია, ბაზარს არასტაბილურ მდგომარეობას უნარჩუნებს.
ნიუ-იორკში TD Securities-ის გლობალურმა ხელმძღვანელმა – პრია მისრამ განაცხადა, რომ ნამდვილად არსებობს ინფლაციის კალაპოტიდან ამოვარდნის რისკი, რადგან ომი ფართო ინფლაციურ წნეხს აძლიერებს. მან დასძინა, “დაუშვებს კი FED რეცესიას, რათა ინფლაციის მიზნობრივ მაჩვენებელს მიაღწიოს? ეს საკმაოდ რთული კითხვაა, რომელსაც ბაზარი აწყდება.”
