სანამ Microsoft Corp დათანხმდა ვიდეო თამაშების მწარმოებლის ყიდვას 68,7 მილიარდ დოლარად, უორენ ბაფეტის Berkshire Hathaway Inc-მა შეიძინა თითქმის 1 მილიარდი დოლარის აქციები Activision Blizzard Inc-ში.
Activision-ის აქციები გაიზარდა 23%-ით ამ წელს და $81.50-მდეა, თუმცა ისინი რჩება შემოთავაზებულ $95-ზე თითო აქციის აღების ფასზე, რაც ცოტა შემაშფოთებელია. მეორე კვარტალში კიდევ ერთმა ინვესტორმაც იყიდა Activision-ის ორი მილიონი დოლარის აქცია.
ინვესტორები ყურადღებით აკვირდებიან Berkshire-ის ინვესტიციებს, რათა დაინახონ, სად ხედავენ მეტ პოტენციალს ბაფეტი და მისი ინვესტიციების მენეჯერები – ტოდ კომბსი და ტედ ვეშლერი. ჩანაწერებში არ არის ნათქვამი, ვინ რა იყიდა და რა გაყიდა, თუმცა ბაფეტი ზოგადად უფრო დიდ ინვესტიციებს ახორციელებს.
მედიის ნაწილი ამბობს, რომ ბაფეტი არ იყიდის მაიკროსოფტის აქციებს ინტერესთა პოტენციური კონფლიქტის გამო. ბილ გეიტსმა 2020 წელს დაასრულა თავისი 16-წლიანი მუშაობა Berkshire-ის საბჭოში. ბაფეტი იყო ბილ და მელინდა გეითსების ფონდის რწმუნებული, მაგრამ გადადგა 2021 წელს.
მეოთხე კვარტალში, Berkshire-მა ასევე დაამატა თავისი წილები ნავთობკომპანია Chevron Corp-ში, ამავდროულად შეამცირა მისი წილები ჯანდაცვის კომპანიებში, მათ შორის Bristol-Myers Squibb Co და Abbvie Inc-ში. Apple Inc რჩება Berkshire-ის უმსხვილეს საერთო საფონდო ჰოლდინგად.
ვარაუდობენ, რომ 26 თებერვლისთვის Berkshire შედეგებს გამოაქვეყნებს, სადაც ასახული იქნება მისი შესყიდვები და გაყიდვები. ომაჰაში, ნებრასკაში დაფუძნებული კომპანია ასევე ფლობს ათეულობით ბიზნესს, მათ შორის BNSF რკინიგზას, Geico ავტო დაზღვევას და Dairy Queen ნაყინის კომპანიას.
წყარო: finance yahoo
