ამაზონმა (AMZN) მე-4 კვარტლის მოგება გამოაცხადა, რამაც ელექტრომობილების მწარმოებელ Rivian-ის მოლოდინები ნაწილობრივ შეაფერხა, რომელშიც ამაზონს ინვესტიცია ჰქონდა. ელექტრონული კომერციის გიგანტმა ასევე გამოაცხადა, რომ გაზრდის პრემიერ საწევრო გადასახადს $139-მდე წელიწადში და $119-დან აშშ–ში. აქციები განსაკუთრებით იზრდება არასამუშაო საათებში.
Amazon Prime-ის გაშვების შემდეგ, ეს უკვე მესამე შემთხვევაა, როცა ელექტრონული კომერციის გიგანტი გადასახადის ზრდას აცხადებს აშშ–ში, ყოველწლიური მიწოდების სერვისისთვის. მან 2014 და 2018 წლებში ყოველ ჯერზე 20 დოლარით გაზარდა გადასახადი. გამოცხადებული ფასის ცვლილება ახალი წევრებისთვის 18 თებერვლიდან ამოქმედდება. არსებულ წევრებზე საფასური მათი განახლების თარიღის, 25 მარტის შემდეგ აისახება.
კომპანიის წმინდა შემოსავალი გასულ კვარტალში, წინა წლის ანალოგიურ პერიოდთან შედარებით, თითქმის გაორმაგდა, ძირითადად Rivian-ში ინვესტიციის გამო. ამაზონმა გამოაცხადა 14,3 მილიარდი დოლარის წმინდა შემოსავალი მეოთხე კვარტალში, ხოლო 2020 წლის ბოლო სამი თვის განმავლობაში, შემოსავალი 7,2 მილიარდი დოლარი იყო.
ამაზონის წმინდა გაყიდვები მეოთხე კვარტალში 9%-ით გაიზარდა და 137,4 მილიარდი დოლარი შეადგინა, გასული წლის ანალოგიურ პერიოდში 125,6 მილიარდ დოლართან შედარებით.
ამაზონის ვებსერვისების ერთეულმა კვარტალში 17,78 მილიარდი დოლარის შემოსავალი მოიტანა, 17,23 მილიარდი დოლარის მოლოდინთან შედარებით.
კომპანიის პირველი კვარტლის შემოსავლის პროგნოზი 112-117 მილიარდი დოლარია.
Jefferies-ის ანალიტიკოსი ბრენტ ტილი, ინვესტორებისთვის განკუთვნილ ამ კვირის დასაწყისში შენიშვნაში წერს: “სავარაუდოა, რომ შრომის მჭიდრო ბაზარი ზრდის ხარჯებს მომდევნო რამდენიმე კვარტლის განმავლობაში”. მაშინ, როცა მწვავე პანდემიური ფონია, ამაზონი გვთავაზობს დასაქმების ბონუსებს და მაღალ ხელფასს მუშების მოსაზიდად. გასულ წელს კომპანიამ დახარჯა მილიარდები COVID-ის ჯანმრთელობასთან დაკავშირებულ ხარჯებზე, რათა უზრუნველყოს უსაფრთხო სამუშაო გარემო.
თავის მხრივ, BofA-მ ამ კვირაში კიდევ ერთხელ დაადასტურა ყიდვის რეიტინგი აქციებზე და თქვა, რომ ის კვლავ FANG საუკეთესო არჩევანია 2022 წლისთვის.
Street ყურადღებას ამახვილებს შრომის ხარჯებზე, მიწოდების ჯაჭვის საკითხებზე და ამაზონის აღმასრულებელ ცენტრებში ინვესტიციებთან დაკავშირებულ ხარჯებზე. მომხმარებლები მიისწრაფვოდნენ ონლაინ ყიდვისკენ პანდემიის პერიოდში, რაც ზრდის შრომისა და მიწოდების ხარჯებს. აქციამ 2021 წელს S&P 500-ის დაბალი მაჩვენებელი გამოავლინა. ყველა 59 ანალიტიკოსს, რომელსაც “ბლუმბერგი” ადევნებს თვალყურს, აქვს Buy-ის რეიტინგი ამაზონზე, საშუალო ფასი – 4100 დოლარით თითო აქციაზე. აქცია ამჟამად დაახლოებით 2785 დოლარად იყიდება.
ამ კვირაში სხვა მსხვილი ტექნოლოგიური სახელებიც მოექცნენ ყურადღების ქვეშ, როგორებიცაა: Alphabet, Apple, Microsoft და Meta, რომლის აქციებმაც ამ კვირაში იმედგაცრუება განიცადა.
წყარო: finance.yahoo
