მსოფლიოს 5-მა უმდიდრესმა ტექნიკურმა მაგნატმა 2022 წლის პირველ რამდენიმე კვირაში $85,07 მილიარდი ქონება დაკარგა, რაც ბაზარზე არსებული გაყიდვების შედეგია.
ამ ზარალმა ილონ მასკის ქონება დაახლოებით 243 მილიარდ დოლარამდე შეამცირა, რაც 27 მილიარდი დოლარით ნაკლებია იმ თანხასთან შედარებით, რაც მას წლის დასაწყისში ჰქონდა. 2021 წლის ნოემბერთან შედარებით კი თითქმის 100 მილიარდით დაბალია, რადგან იმ დროს მასკის ქონება 335 მილიარდ დოლარს შეადგენდა.
რაც შეეხება მსოფლიოში მეორე ყველაზე მდიდარ ადამიანს, Amazon-ის დამფუძნებელ ჯეფ ბეზოსს, მან 2022-ში 25 მილიარდი დოლარით იზარალა.
Microsoft-ის თანადამფუძნებელმა, ბილ გეიტსმა კი, 1 იანვრიდან მოყოლებული, 9,5 მილიარდი დოლარით შეამცირა თავისი ქონება. 12-მილიარდდოლარიანი ზარალი ნახა Google-ის თანადამფუძნებლის ლარი პეიჯმა, ამ ყველაფერს კი აგვირგვინებს მარკ ცუკერბერგი, რომლის წმინდა ქონება ასევე შემცირდა დაახლოებით 12 მილიარდი დოლარით ამ წელს.
ხუთივე მათგანმა ნახა ზარალი ტექნიკურ საფონდო ჰოლდინგებში. საპროცენტო განაკვეთებისა და ინფლაციის გამო, Nasdaq Composite-საც მძიმე წელი აქვს, დაახლოებით 13%-იანი ზარალით.
Bloomberg-ის თანახმად, ტოპ ხუთეულში ერთადერთი მილიარდერი, რომელმაც გასულ კვირას ფული არ დაკარგა, იყო ბერნარ არნო, LVMH-ის თავმჯდომარე და აღმასრულებელი დირექტორი, თუმცა ზოგადად ახალი წელი მისთვისაც ზარალით დაიწყო და 5%-ით დაეცა მისი აქციები.
ქვემოთ, ფოტოზე იხილავთ 24 იანვრის მონაცემებს მსოფლიოს უმდიდრესი ადამიანების ქონების შესახებ:
წყარო: businessinsider
