რა მოხდა?
U Power არის ჩინური კომპანია, რომელიც სპეციალიზებულია ტრანსპორტის რესურსებით მომარაგებაში და ელექტრომობილების (EV) ბატარეის შეცვლის გადაწყვეტების წარმოებაში. გუშინ მისი აქციების ფასი მკვეთრად — 48%-ზე მეტით გაიზარდა მას შემდეგ, რაც ჩინეთის მთავრობამ დააანონსა ახალი წამახალისებელი პროგრამა, რომელიც ელექტრომობილების მოხმარების გაზრდას ისახავს მიზნად.
და რა?
ცნობილი გახდა, რომ ჩინეთის მთავრობა ელექტრომობილებისა და ალტერნატიულ საწვავზე მომუშავე სხვა მანქანებს $72 მილიარდის საგადასახადო შეღავათებით უზრუნველყოფს. ეს წამახალისებელი პროგრამა ძალაში 2027 წლის ბოლომდე იქნება.
ეს ნაბიჯი მას შემდეგ გადაიდგა, რაც მთავრობის წარმომადგენლებმა საავტომობილო ინდუსტრიის მხარდაჭერის პირობა დადეს. ჩინეთი თავის ბევრ რეგიონსა და ქალაქში ძლიერი დაბინძურების პრობლემის წინაშე დგას, აქედან გამომდინარე ხელისუფლება მიზნად ისახავს, ამ ინდუსტრიის პროდუქტი უფრო სუფთა გახადოს ელექტრომობილებისა და სხვა სუფთა მოდელების წარმოების მხარდაჭერით. ეს არის ყველაზე მასშტაბური მსგავსი ინიციატივა, რომელიც დღემდე მთავრობას განუხორციელებია.
ახლა რა?
ჩინეთის მთავრობა აშკარად შეშფოთებულია ქვეყნის ეკონომიკის შესუსტებით, რაც ნაწილობრივ ავტომობილების გაყიდვების შენელებით არის გამოწვეული. ახალი პროგრამა მნიშვნელოვანი ჩანს, მაგრამ გაურკვეველია, იქნება თუ არა ის საკმარისი ინდუსტრიის საგრძნობლად გაუმჯობესებისთვის.
