რა მოხდა?
გუშინ, Needham-ისგან დადებითი შეფასების შემდეგ Surmodics-ის აქციების ფასი თითქმის 16%-ით გაიზარდა. Surmodics არის ჯანდაცვის კომპანია, რომელიც უზრუნველყოფს ქიმიკატებს დიაგნოსტიკური იმუნოანალიზის ტესტებისთვის და ამზადებს საფარებს ინტრავასკულარული სამედიცინო მოწყობილობებისთვის.
და რა?
Needham-ის ანალიტიკოსმა — მაიკლ მატსონმა Surmodics-ის აქციების ნეიტრალური რეიტინგი ყიდვის რეკომენდაციით შეცვალა და მათ $36-ის ტოლი სამიზნე ფასი მიანიჭა. ეს ყველაფერი იმის გათვალისწინებით, რომ სურსათისა და მედიკამენტების ადმინისტრაცია (FDA) მალე კომპანიის „წამლით დაფარულ ბუშტს“ — SurVeil-ს პერიფერიული არტერიული დაავადების (PAD) სამკურნალო საშუალებად დაამტკიცებს.
გარდა ამისა, Abbott Laboratories-ს აქვს კომერციალიზაციის ხელშეკრულება Surmodics-თან, რის საფუძველზეც ამ უკანასკნელმა წინასწარ $25 მილიონი მიიღო და Abbott დამატებით $67 მილიონს საეტაპო გადახდებით დაფარავს. მოწყობილობის დამტკიცების შემდეგ, Surmodics მად Abbott-ს მიაწოდებს და მიიღებს შემოსავალს, ასევე მოგებას მესამე მხარის გაყიდვებიდან.
ახლა რა?
Surmodics-ის მენეჯმენტმა მეორე კვარტალში განაცხადა, რომ შემოსავალი წლიდან წლამდე 4%-ით — $27.2 მილიონამდე გაიზარდა, თუმცა ზარალმა თითო აქციაზე $0.55 შეადგინა, გასული წლის იმავე პერიოდში დაფიქსირებულ $-0.29-სთან შედარებით.
SurVeil-ის დამტკიცების პროცესი მარტივი არ ყოფილა. FDA-მ თავდაპირველად კომპანიის PMA განაცხადი (FDA-სთვის განკუთვნილი სამეცნიერო, მარეგულირებელი დოკუმენტაცია III კლასის მოწყობილობის უსაფრთხოებისა და ეფექტურობის დემონსტრირებისთვის) არ დააკმაყოფილა. შემდეგ Surmodics-მა FDA-სგან რეკომენდაციები მოითხოვა და დადებითი გამოხმაურება მიიღო. კომპანიის მენეჯმენტი ახლა ამბობს, რომ მესამე კვარტალში გეგმავს შესწორებული განაცხადის წარდგენას, მეოთხე კვარტალში PMA-ს მიღების მიზნით.
