რა მოხდა?
გუშინ კიბერუსაფრთხოების სექტორმა საკმაოდ კარგი წინსვლა განიცადა. CrowdStrike-ის აქციების ფასი თითქმის 1%-ით გაიზარდა, Palo Alto Networks-ის — დაახლოებით 1.6%-ით, ხოლო Fortinet-ის — 3%-ზე მეტით. თითოეულ მათგანზე დადებითი ზეგავლენა იქონია ანალიტიკოსის პოზიტიურმა კვლევითმა ჩანაწერმა.
და რა?
ჩანაწერის ავტორია Jefferies-ის ანალიტიკოსი — ჯოზეფ გალო. მან ზოგადად კიბერუსაფრთხოების სექტორისთვის ზრდის პერსპექტივებს გაუსვა ხაზი. ჯოზეფის თქმით, ამ სექტორის კომპანიების მიმართ ინვესტორების განწყობა სულ უფრო პოზიტიური ხდება, კომპანიათა უმეტესობა კი მოსალოდნელზე უკეთეს შედეგებს აფიქსირებს.
თუმცა, ანალიტიკოსმა ასევე აღნიშნა, რომ სექტორის მრავალი კომპანია მუშაობდა იმაზე, რომ 2022 წლის ბოლოს კარგი შედეგები დაეფიქსირებინა. ამასთან ერთად, როგორც ის უწოდებს „ისტორიულმა“ სისუსტემ პირველ კვარტალში და უფრო მაღალმა მოლოდინმა წამახალისებელი შედეგების შემდეგ, შეიძლება ასეთ ფირმებში ინვესტირების რისკი გაზარდოს.
კიბერუსაფრთხოების სექტორში ჯოზეფ გალომ გამოყო CrowdStrike, Palo Alto Networks და Fortinet, როგორც ტრიო, რომელიც „ყველაზე გონივრული კონფიგურაციებით“ იწონებს თავს. მან დაასახელა სამი კონკურენტი — Okta, Zscaler და Cloudflare, როგორც უფრო სარისკო ინვესტიციები.
ახლა რა?
აშკარაა, რომ კიბერუსაფრთხოების სერვისებზე კვლავ ძლიერი იქნება, მთავარი კითხვა ისაა, თუ ვინ მიიღებს ამ სექტორში ყველაზე დიდ სარგებელს. ციფრული საფრთხეები მუდმივია და ეს მოცემულობა ხელს უწყობს ისეთი კომპანიების ბიზნესს, როგორიცაა CrowdStrike, Palo Alto Networks ან Fortinet.
