რა მოხდა?
გასულ კვირაში ჯანდაცვის ტექნოლოგიური გადაწყვეტების პროვაიდერმა — Doximity-მ კვარტალური ანგარიში წარადგინა.
ზოგიერთი მაჩვენებელი გაიზარდა, ზოგიც — შემცირდა, მაგრამ საბოლოოდ, ანალიტიკოსები, რომლებიც კომპანიას აკვირდებიან, Doximity-ს პერსპექტივების მიმართ ოპტიმისტურნი დარჩნენ. S&P Global Market Intelligence-ის მონაცემების თანახმად, გასული კვირის განმავლობაში Doximity-ს აქციების ფასი 6.5%-ით გაიზარდა.
და რა?
Doximity-მ, რომელიც ქლაუდზე დაფუძნებულ ჯანდაცვის ინდუსტრიის ქსელურ პლატფორმას ოპერირებს, თავისი ფისკალური 2023 წლის მესამე კვარტლის შედეგები 8 თებერვალს, სავაჭრო დღის დასრულების შემდეგ, წარადგინა. კომპანიის კვარტალურმა შემოსავალმა $115.3 მილიონი შეადგინა (ანალიტიკოსების პროგნოზი — $111.48 მილიონი), ხოლო EPS-მა (მოგება თითო აქციაზე) — $0.22 (პროგნოზი — $0.18). წმინდა შემოსავლის შენარჩუნების მაჩვენებელი Doximity-ს ძირითადი მომხმარებლებისთვის ძალიან მაღალი — 127% იყო.
იმავდროულად, რამდენიმე ანალიტიკოსმა, რომელიც კომპანიას ადევნებს თვალყურს, აქციების სამიზნე ფასები შეცვალა.
10 თებერვალს Wells Fargo-ს ანალიტიკოსმა — სტენ ბერნშტეინმა Doximity-ს აქციების სამიზნე ფასი $44-დან $39-მდე შეამცირა, ხოლო რიჩარდ კლოზმა Canaccord Genuity-დან ნიშნული $1-ით — $41-მდე დაწია. მიუხედავად ამისა, ორივე ანალიტიკოსი ოპტიმისტურად არის კომპანიის მიმართ განწყობილი — მათ Doximity-ს აქციების ყიდვის რეკომენდაციები შეინარჩუნეს.
ახლა რა?
გარდა ამისა, კომპანია სხვა ანალიტიკოსებმაც შეაფასეს. სამშაბათს, გლენ სანტანჯელომ Jefferies-დან და Guggenheim-ის ანალიტიკოსმა სენდი დრიპერმა Doximity-ს აქციების ყიდვის რეკომენდაციები შეინარჩუნეს და სამიზნე ფასებიც გაზარდეს — გლენმა $39-დამ $40-მდე, ხოლო სენდიმ $27-დან $37-მდე.
