დღეს მოგიყვებით ადამიანზე, რომელმაც საქართველოს ბანკის მობილური აპლიკაციის საშუალებით საფონდო ბირჟაზე ინვესტირება დაიწყო და, რაც მთავარია, მისი საინვესტიციო პორტფელის ღირებულება იზრდება. ჩვენ ჰაიკ ასრიანცს — მეწარმე, სტარტაპ ეკოსისტემის შემქმნელი და ინვესტორი — დავუკავშირდით, რამდენიმე კითხვა დავუსვით და ვთხოვეთ, თავისი საინვესტიციო ამბავი მოეყოლა.
მოგვიყევით, როგორ დაიწყო ინვესტირების სამყაროსთან თქვენი ურთიერთობა? რატომ გადაწყვიტეთ საფონდო ბირჟაზე ინვესტირება?
როგორც წესი, ინვესტორები საფონდო ბირჟაზე ინვესტირებით იწყებენ, შემდეგ კი „ანგელოზი ინვესტორები” (Angel Investor — ინვესტორი, რომელიც ფულს ახალდაფუძნებულ განვითარებად კომპანიაში აბანდებს. როგორც წესი მსგავსი აქციებს თან ახლავს დიდი რისკი) ხდებიან. ჩემს შემთხვევაში პირიქით იყო, საქმიანობა 2021 წელს Angel ინვესტორობით დავიწყე და რამდენიმე ქართულ ტექნოლოგიურ სტარტაპში ფული უკვე დავაბანდე. მოგვიანებით, 2022 წლის დეკემბერში საფონდო ბირჟის სამყაროშიც შევაბიჯე.
მახსოვს, სკოლაში სწავლის დროს ვიყავი ბანაკში, სადაც ერთ-ერთი საგანმანათლებლო თამაში საფონდო ბირჟის შესახებ იყო. ყველას დაგვირიგეს სათამაშო ფული და გამოგონილი კომპანიების აქციები. შემდეგ, დღეში რამდენჯერმე, ორგანიზატორები კომპანიებისა და ინდუსტრიების შესახებ შეთხზულ სიახლეებს აქვეყნებდნენ, ჩვენ კი, ამ ინფორმაციის საფუძველზე, აქციების ყიდვის ან გაყიდვის გადაწყვეტილება უნდა მიგვეღო.
საბოლოოდ ეკონომისტი გავხდი და საფონდო ბირჟის შესახებაც უფრო სიღრმისეული ცოდნა მივიღე. შემდეგ, ჯერ კიდევ 2012 ან 2013 წელს, წავიკითხე სტატია აქციების ფასების გრძელვადიანი ზრდის შესახებ, რაც ძალიან მარტივი მაგალითის საშუალებით იყო ილუსტრირებული. კითხვა შემდეგში მდგომარეობდა: რამდენ ფულს გამოიმუშავებდი თუ 2001 წელს iPod-ის $399-ად ყიდვის ნაცვლად Apple-ის აქციებს შეიძენდი? 2012 წლის მდგომარეობით, ამ ინვესტიციის ღირებულება $26,000-ზე მეტი იქნებოდა. სხვათა შორის, დღეისათვის ეს მაჩვენებელი დაახლოებით $187,000-ს მიაღწევდა.
ასე რომ, ამ საკითხით დაინტერესებული ვიყავი, ყოველთვის მინდოდა აქციებში ინვესტირება, მაგრამ რადგან საქართველოში ვცხოვრობ, ვიცოდი, რომ ეს საკმაოდ რთული პროცესი იყო. თუმცა როდესაც საქართველოს ბანკის მობილური აპლიკაციის საშუალებით აქციებში მარტივად ინვესტირების შესახებ შევიტყვე, დავესწარი რამდენიმე ვორქშოფს, მაშინვე გავხსენი ჩემი საინვესტიციო ანგარიში და ინვესტირება დავიწყე. პირველი აქცია, რომელიც შევიძინე, იყო Apple და 2022 წლის დეკემბრიდან მისი ფასი 14%-ით გაიზარდა.
გვითხარით, რის საფუძველზე იღებთ საინვესტიციო გადაწყვეტილებებს და გაგვიზიარეთ, როგორი გრძნობაა, როდესაც თქვენი ინვესტიციების ღირებულება იზრდება?
ჯერჯერობით, ინვესტიციებს მხოლოდ ტექნოლოგიურ კომპანიებში ვდებ, მაგრამ საინვესტიციო პორტფელის დივერსიფიკაციაზეც ვფიქრობ. ინფორმაციას სხვა ინდუსტრიების შესახებაც ვიძიებ, ვაკვირდები მათ ტენდენციებს, ვკითხულობ სიახლეებს იმ კომპანიებზე, რომლებშიც ინვესტიცია მაქვს ჩადებული, ვეცნობი მათ კონკურენტებს და ა.შ. ვფიქრობ, რომ მსოფლიოს მომავალში მეტი მიკროჩიპი დასჭირდება, ამიტომ მათი მწარმოებელი კომპანიებითაც ვარ დაინტერესებული.
რაც შეეხება თქვენს მეორე კითხვას, ძალიან სასიამოვნო შეგრძნებაა, როდესაც შენი საინვესტიციო პორტფელის ღირებულება იზრდება. თუმცა აქციების ფასების კლებაც ბუნებრივია მოვლენაა და ინვესტორი ამისთვის მზად უნდა იყოს.
როგორია თქვენი სამომავლო გეგმები ამ სფეროში?
ვგეგმავ ჩემი ტექნოლოგიური პორტფელის გაზრდას, ასევე მის დივერსიფიკაციას და სხვა ინდუსტრიის აქციებით გამდიდრებას. მაგალითად, ბევრს ვკითხულობ მწვანე ენერგიის შესახებ.
„აქციებში ინვესტირება სახალისოა, დაწყება მარტივია და ამისთვის სულაც არ არის საჭირო დიდი დანაზოგი. სინამდვილეში, შეგიძლიათ ინვესტირების სამყაროში რამდენიმე დოლარით შეაბიჯოთ და მნიშვნელოვანი სიმდიდრის დაგროვება დაიწყოთ” — ამბობს ჰაიკი.
