რა მოხდა?
ბაზრისთვის ოქტომბრის პირველი კვირა დადებითი აღმოჩნდა – სექტემბრის 9%-იანი ვარდნისგან გარკვეულწილად აღდგა. მაგრამ Snapchat-ის მშობელი კომპანიის, Snap-ის აქციები კიდევ უფრო უკეთესი წარმადობით გამოირჩეოდა. პარასკევს, ბაზრის დახურვისას, Snap-ის აქციების ფასი ამ კვირაში 8.55%-ით იყო გაზრდილი მაშინ, როდესაც დროის ამავე მონაკვეთში S&P 500 1.51%-ით გაიზარდა.
და რა?
ამ კვირის დასაწყისში გაკეთებული კომენტარებით თუ ვიმსჯელებთ, თომას ჩემპიონი და დაგ ანმუთი, შესაბამისად, Piper Sandler-ისა და J.P. Morgan-ის ანალიტიკოსები, ორივენი მოხიბლულნი არიან იმით, რასაც ციფრული რეკლამირების ბაზარზე ხედავენ. Snap-ის რეკლამის განაკვეთები აშშ-ის ეკონომიკის ცუდი მდგომარეობიდან გამომდინარე შემცირდა. თუმცა The Fly-ის თანახმად, თომასი ფიქრობს, რომ Snap-ისთვის რეკლამის განაკვეთების კლება ჯერ კიდევ ივლისში შეჩერდა. Snap-ის მენეჯმენტმა განაცხადა, რომ 2022 წლის მესამე კვარტალში, სამი კვირის განმავლობაში, წლიდან წლამდე შემოსავალი უცვლელი იყო, რაც თომასის აზრებს ასახავს.
ოთხშაბათს Barclay-ს როს სენდლერი კიდევ ერთი ნაბიჯით წავიდა. სენდლერი ციფრული რეკლამის ტენდენციებითაც არის მოხიბლული. როგორც The Fly იტყობინება, სწორედ ეს არის ნაწილობრივ იმის მიზეზი, რომ მან Snap-ის აქციების სამიზნე ფასი $15-დან $21-მდე გაზარდა. თუ იმაზე დაყრდნობით ვიმსჯელებთ, რომ ყველა დროის მაქსიმალურ მაჩვენებელთან შედარებით აქციების ფასი 87%-ით შემცირდა, ინვესტორები Snap-ის პერსპექტივების მიმართ უარყოფითად იყვნენ განწყობილნი. თუმცა, ნარატივის ოდნავ გაუმჯობესების გამო, გასულ კვირას Snap-ის აქციებმა ნაწილობრივ აღდგენა შეძლო.
ახლა რა?
წინა კვირაში Snap აქციების ფასის ზრდა არის შეხსენება იმისა, თუ რამდენად არის კომპანია დამოკიდებული რეკლამის ხელსაყრელ განაკვეთებზე. თუმცა კომპანია შემოსავლების ახალ ნაკადებზე ორიენტირებას განაგრძობს, მათ შორის არის მისი გაფართოებული რეალობის (AR) პლატფორმა საწარმოებისთვის. Snap-ს უკვე ჰყავდა საწარმო პარტნიორები, რომლებიც მის AR ტექნოლოგიას იყენებენ, მაგრამ მენეჯმენტი უახლოეს მომავალში ფასიანი კლიენტების მოზიდვას ისახავს მიზნად. შესაძლოა, ამ ნაბიჯმა მომავალში კომპანიის რეკლამებზე დამოკიდებულება შეამციროს.
თუმცა, ამჟამად Snap ყველაზე მეტ შემოსავალს რეკლამებიდან იღებს. აქედან გამომდინარე, ახლა სწორედ ეს არის ყველაზე მნიშვნელოვანი ფაქტორი, რომელსაც ინვესტორები აკვირდებიან.
